বিতৰ্কৰ মাজতে দেশত বিক্ৰী হৈ থকা জনছন বেবী পাউদাৰৰ সন্দৰ্ভত গুৰুত্বপূৰ্ণ সিদ্ধান্ত ...

এফডিএয়ে এক প্ৰেছ বিবৃতিত প্ৰকাশ কৰিছে যে জনছনৰ বেবী পাউদাৰ ব্যৱহাৰ কৰিলে শিশুৰ ছালৰ ক্ষতি হ’ব পাৰে। জনছনৰ পাউদাৰ ষ্টক বজাৰৰ পৰা প্ৰত্যাহাৰ কৰিবলৈও নিৰ্দেশ দিয়া হৈছে এফডিএয়ে। প্ৰশাসনে কোম্পানীটোক ড্ৰাগছ এণ্ড এডমিনিষ্ট্ৰেচন এক্ট, ১৯৪০ৰ অধীনত এটা শ্ব’-ক’জ জাননী জাৰি কৰে। য'ত অনুজ্ঞাপত্ৰ নিলম্বন বা বাতিলৰ দৰে ব্যৱস্থা কিয় গ্ৰহণ কৰা নহ’ব সেই বিষয়ে জানিব বিচৰা হৈছে। 

কালি ৰাজ্য চৰকাৰে জাৰি কৰা এক বিবৃতিত কোৱা হৈছে যে বৃহত্তৰ জনস্বাস্থ্যৰ কথা মনত ৰাখি এই সিদ্ধান্ত লোৱা হৈছে। বিবৃতিটোত লগতে কোৱা হৈছে যে কোম্পানীটোৰ বেবী পাউদাৰে নৱজাতকৰ ছালৰ সমস্যাৰ সৃষ্টি কৰিব পাৰে।

এফ ডি এৰ এক বিবৃতি অনুসৰি এই সামগ্ৰীয়ে কেঁচুৱাৰ ছালৰ স্বাস্থ্যত প্ৰভাৱ পেলাব পাৰে। এফ ডি এৰ এজন বিষয়াই কয় যে জনসাধাৰণৰ সুৰক্ষাৰ বাবে আমি অনুজ্ঞাপত্ৰ বাতিল কৰি ষ্টকটো প্ৰত্যাহাৰ কৰিবলৈ নিৰ্দেশ দিছো। ২০২০ চনৰ জানুৱাৰী মাহত অল ফুড এণ্ড ড্ৰাগ লাইচেন্স হোল্ডাৰ্ছ ফাউণ্ডেচনে এফ ডি এ-মহাৰাষ্ট্ৰলৈ পত্ৰ লিখি জে এণ্ড জেৰ বিৰুদ্ধে ব্যৱস্থা গ্ৰহণ কৰাত পলম হোৱাৰ কথা আঙুলিয়াই দিছিল। কোম্পানীটোলৈ লিখা পত্ৰখনত কোৱা হৈছে যে “সাধাৰণতে যেতিয়া বেবী পাউদাৰৰ পি এইচ গড়ৰ ওপৰত হয়, তেতিয়া ই নিৰ্মাণ প্ৰক্ৰিয়াত ভুল আৰু নিৰ্মাণ প্ৰক্ৰিয়াৰ সময়ত মিশ্ৰণ মৌল বা উপাদানত হোৱা অশুদ্ধিৰ ইংগিত দিয়ে। বেবী পাউদাৰত থকা পি এইচ লেভেল গড় হিচাপতকৈ বেছি হ’লে ই কেঁচুৱাৰ ছালত প্ৰভাৱ পেলাব পাৰে। গতিকে এই বিষয়টো অতি গুৰুত্বসহকাৰে লৈ ন্যায্য তদন্ত কৰিবলৈ অনুৰোধ জনালোঁ।"