ডিজিটেল ডেস্কঃ এজন অ-হিন্দু লৰাৰ সৈতে বিয়া বিয়াত বহি এতিয়া সমালোচনাৰ সন্মুখীন হৈছে দেৱলীনা ভট্টাচাৰ্য৷ অভিনেত্ৰীগৰাকীৰ স্বামীৰ নাম শ্বেহনাৱাজ শ্বেখ৷ তেওঁ দেৱলীনাৰ জিম প্ৰশিক্ষক৷ এইবাৰ অভিনেত্ৰীগৰাকীকলৈ সামাজিক মাধ্যমত আন এটা প্ৰশ্ন উত্থাপিত হৈছে।
বলীউডৰ অভিনেত্ৰী দেৱলীনা ভট্টাচাৰ্যৰ বিবাহে সামাজিক মাধ্যমত বিতৰ্কৰ সৃষ্টি কৰাৰ সময়তে এইবাৰ আন এক বিষয়কলৈ চৰ্চা হৈছে৷ একাংশৰ মতে বিয়াৰ আগতে দেৱলীনা গৰ্ভৱতী হৈছিল । সেইবাবেই তেওঁ খৰখেদাকৈ বিয়াত বহাৰ সিদ্ধান্ত লৈছিল। তেওঁক আলিয়া ভাটৰ সৈতেও তুলনা কৰা হৈছে। অৱশ্যে দেৱলীনাই ইমান দিনে মুখ বন্ধ ৰাখিছিল যদিও অৱশেষত তেওঁ মুখ খুলিবলৈ বাধ্য হৈছে।
দেৱলীনাই কৈছে, "মই সঁচাকৈয়ে বুজি নাপাওঁ যে এজন ব্যক্তিৰ ব্যক্তিগত জীৱনত মানুহে এনেদৰে মূৰ সোমোৱাটো কিমান যুক্তি সংগত কথা। ভণ্ডামিৰো এটা সীমা আছে। বহু মানুহে আনক অত্যাচাৰ কৰাৰ সুযোগ এৰিব নোৱাৰে, নহয়নে? কাৰো সুখ বহুতে সহ্য কৰিব নোৱাৰে। মই এই মন্তব্যবোৰক আৰু গুৰুত্ব দিবলৈ ইচ্ছুক নহওঁ"।অভিনেত্ৰীগৰাকীয়ে বিয়াৰ আগতেই গৰ্ভৱতী হোৱা বুলি চলা অপপ্ৰচাৰ পোনচাটেই নাকচ কৰিছে৷
Continue Reading
