ডিজিটেল ডেস্কঃ বিয়া পাতিবলৈ মন যায় এজন যুৱকৰ। ঘৰত কেইবাবাৰো মনৰ কথাটো ক’লে। কিন্তু পৰিয়ালে বিশেষ উদ্যোগ নললে। বাৰে বাৰে চেষ্টা কৰাৰ পিছতো যেতিয়া একো নহ’ল, অৱশেষত যুৱকজনে নতুন কৌশল এটা উলিয়াই আনিলে। বিয়াৰ বাবে পৰিয়ালটোক হেঁচা প্ৰয়োগ কৰিবলৈ তেওঁ নিজকে ‘হত্যা’ কৰিলে। হত্যা কৰি নিজৰ মৃতদেহৰ ছবিখন বন্ধুৰ হোৱাটছএপলৈ পঠিয়ালে। তাৰপাছত তেওঁ নিজৰ ‘মৃত্যুৰ’ বাৰ্তাটো ঘৰলৈ প্ৰেৰণ কৰা হ’ল। উত্তৰ প্ৰদেশৰ বদায়ুঁ নামৰ ঠাইখনত সংঘটিত হৈছে এই ঘটনা।
বদায়ুঁৰ দুডেনগৰ নিবাসী অশোক কুমাৰৰ পুত্ৰ অজয়। যোৱা কেইমাহমানৰ পৰা দেউতাকক বিয়াৰ বাবে হেঁচা দি আছিল। অশোকে পুত্ৰক স্পষ্ট কৰি দিলে যে এতিয়াই তেওঁৰ বিয়া পতা নহ’ব। দেউতাকৰ কথাত পুত্ৰৰ খং উঠিল। যোৱা ১১ মাৰ্চত হঠাতে ঘৰৰ পৰা নিৰুদ্দেশ হৈছিল অজয়। ১২ মাৰ্চত তেওঁ নিজৰ মোবাইল ফোনত এটা অডিঅ’ মেছেজ ৰেকৰ্ড কৰিছিল। সেই অডিঅ’ মেছেজত, পিতৃক সম্বোধন কৰি তেওঁ কৈছিল, “মোক অপহৰণ কৰা হৈছে। মোক মাৰপিট কৰা হৈছে, মোক বচাওক!”
পুত্ৰৰ অডিঅ’ মেছেজ শুনি অশোক নাৰ্ভাছ হৈ পৰিল। ইয়াৰ পিছতে তেওঁ বিষয়টো আৰক্ষীক খবৰ দিয়ে। পিছদিনা অৰ্থাৎ ১৩ মাৰ্চৰ নিশা অজয়ে এজোপা জোপোহাত জিভা উলিয়াই, চকু মুদি শুই থকা বন্ধু এজনৰ ফটো তুলিলে। ইয়াৰ পিছত সেই ছবিখন বন্ধুৰ WhatsApp লৈ পঠিয়ালে। অজয়ৰ দেউতাকৰ ওচৰলৈ ছবিখন প্ৰেৰণ কৰি দিলে অংশুল নামৰ সেই বন্ধুজনে। পুত্ৰৰ ‘মৃতদেহ’ৰ ছবিখন দেখি অশোক হতভম্ব হৈ পৰিল। লগে লগে পুলিচৰ ওচৰলৈ গ’ল।
সেই ফটোখনৰ সহায়ত আৰক্ষীয়ে তদন্ত আৰম্ভ কৰিলে। অজয়ৰ মোবাইলটোৰ স্থান চিনাক্তকৰণৰ কাম আৰম্ভ হ’ল। তেতিয়া দেখা যায় অজয়ৰ মোবাইলৰ লকেচন দিল্লীত। ইয়াৰ পিছতে আৰক্ষীৰ এটা দল কাছগঞ্জলৈ ৰাওনা হয়। অজয় যেতিয়া কাছগঞ্জ হৈ উঝানী অভিমুখে আহি আছিল। তাতে অজয়ক আৰক্ষীয়ে গ্ৰেপ্তাৰ কৰে। তেতিয়াই গোটেই নাটক পোহৰলৈ আহিল।
Continue Reading
