ডিজিটেল ডেস্কঃ গুৱাহাটী ৰেল ষ্টেচনত তৃতীয় লিংগসকলৰ দ্বাৰা পৰিচালিত এখন চাহৰ দোকান খোলা হৈছে। ভাৰতীয় ৰেলৱেৰ সৌজন্যত খোলা হৈছে এই ঐতিহাসিক চাহৰ দোকানখন। টুইটাৰত এই কথা জনালে উদ্যোগপতি আনন্দ মহিন্দ্ৰাই।
নিজৰ অধিকাৰৰ বাবে অহৰহ যুঁজি থকা এই তৃতীয় লিংগৰ লোকসকলে কৰ্মসংস্থাপন বিচাৰিলে বিভিন্ন ধৰণে অপব্যৱহাৰ কৰা হয়। এই বিশেষ লিংগৰ বাবে চৰকাৰৰ কোনো লিখিত সংৰক্ষণ নাই। উদ্যোগপতি আনন্দ মহিন্দ্ৰই কয় যে আন বিভিন্ন উন্নয়নমূলক কামত মোৰ এয়া মাত্ৰ এটা সৰু পদক্ষেপ।
টুইটাৰত উদ্যোগপতিজনে লিখে- ''এই সৰু, পদক্ষেপটো মোৰ দৃষ্টিত আন বহুতো প্ৰগতিশীল প্ৰকল্পৰ দৰেই উল্লেখযোগ্য আৰু পৰিৱৰ্তনশীল। ভাৰতীয় ৰেলৱেই ৮ বিলিয়নৰো অধিক লোক কঢ়িয়ায়। আটাইতকৈ ডাঙৰ কথা, কাকো বাদ নিদিয়ে।’’
নেটিজেনসকলেও এই ঐতিহাসিক পদক্ষেপক শলাগ লৈছে। এই ‘টি-ষ্টল’ৰ ছবি ছ’চিয়েল মিডিয়াত বিয়পি পৰাৰ লগে লগে মন্তব্যকাৰীসকলে নিজৰ মতামত প্ৰকাশ কৰে। এজনে লিখিছে, “এনে পদক্ষেপক শলাগ ল’বলগীয়া।” কোনোবাই লিখিছে, "অন্য সংগঠনতো তেওঁলোকৰ বাবে আসন সংৰক্ষণ কৰিব লাগে।"
Continue Reading
