বিয়ালৈ দিন আছেই...খুলশালীক চুমা যাচি ভাইৰেল ৰণবীৰ , কি প্ৰতিক্ৰিয়া আলিয়াৰ?

ডিজিটেল ডেস্ক: যেতিয়াই বলীউডৰ হট দম্পতীৰ কথা মনলৈ আহে, আলিয়া আৰু ৰণবীৰৰ নম্বৰ শীৰ্ষত আহে। দুয়োৰে বিবাহৰ বাবে অপেক্ষাৰত অনুৰাগী৷ ইফালে, ৰণবীৰ কাপুৰৰ এখন ফটো ছ’চিয়েল মিডিয়াত ভাইৰেল হৈ পৰিছে। এই ফটোখনত, তেওঁক আলিয়া ভাটৰ ভগ্নীৰ সৈতে দেখা গৈছে। শ্বাহিন ভট্ট আৰু ৰণবীৰ ৰ এই ছবিখনত মানুহে মন্তব্য কৰা দেখা গৈছে।

শ্বাহিনৰ সৈতে ফটো ভাইৰেল

এই ফটোখন অতি দ্ৰুতগতিত ছ’চিয়েল মিডিয়াত ভাইৰেল হৈ পৰিছে, এই ভাইৰেল ছবিখনত ৰণবীৰ কাপুৰ আৰু আলিয়াৰ ভগ্নী শ্বাহিন ভাটক দেখা গৈছে। এই ছবিখনত, শ্বাহিন ভাট ৰণবীৰৰ কাষতে বহি আছে আৰু ৰণবীৰ কাপুৰে শ্বাহিনক চুম্বন কৰা দেখা গৈছে। এনে পৰিস্থিতিত, ছ’চিয়েল মিডিয়াত বহুজনেই কৰিছে মন্তব্য৷

বিবাহসম্পৰ্কে আলিয়া ভাট

অনুৰাগীসকলে প্ৰায়ে আলিয়া আৰু ৰণবীৰৰ সৈতে তেওঁলোকৰ বিবাহ সম্পৰ্কীয় প্ৰশ্ন সুধি থাকে। শেহতীয়াকৈ, আলিয়াকো একেধৰণৰ প্ৰশ্ন সোধা হৈছিল, যিটোৰ উত্তৰ তেওঁ অতি অনন্য ধৰণে দিছিল। আলিয়াই কৈছিল যে মনেৰে ইতিমধ্যে ৰণবীৰৰ সৈতে বিবাহপাশত আবদ্ধ হৈছে আলিয়া। আলিয়াই কৈছিল যে- ‘মোৰ মনত মই ইতিমধ্যে ৰণবীৰক বিয়া কৰাইছো।’ আলিয়া আৰু ৰণবীৰৰ সম্পৰ্ক ২০১৭ চনতে আৰম্ভ হৈছিল। দম্পতীটোৱে কিছু সময়ৰ বাবে তেওঁলোকৰ সম্পৰ্কক সকলোৰে পৰাই আঁতৰাই ৰাখিছিল, কিন্তু ২০১৮ চনত তেওঁলোকে অভিনেত্ৰী সোণম কাপুৰৰ বিবাহৰ অভ্যৰ্থনা অনুষ্ঠানত একেলগে উপস্থিত থাকি তেওঁলোকৰ সম্পৰ্কৰ মোহৰ মাৰিছিল। ২০২০ চনত দিয়া এক সাক্ষাৎকাৰত, যেতিয়া ৰণবীৰক তেওঁৰ আৰু আলিয়াৰ সম্পৰ্কৰ বিষয়ে সোধা হৈছিল, ৰণবীৰে কৈছিল যে, ‘যদি কৰ’না মহামাৰী নাথাকিলহেঁতেন, তেন্তে তেওঁ আলিয়াৰ সৈতে বিবাহপাশত আবদ্ধ হ’লহেঁতেন।’