ডিজিটেল ডেস্কঃ ইউৰোপীয় খাদ্য সুৰক্ষা সংস্থাই মঙলবাৰে সকীয়াই দিছে যে দৈনন্দিন খাদ্যৰ এক পৰিসৰত নাইট্ৰ’ছামাইন নামৰ কৰ্কট ৰোগ সৃষ্টিকাৰী ৰাসায়নিক যৌগ ধৰা পৰিছে আৰু ই মানৱ শৰীৰত স্বাস্থ্যজনিত বিপদৰ সৃষ্টি কৰিব পাৰে।
ইউৰোপীয় সংঘৰ সংস্থাটোৱে কৰা এক নতুন অধ্যয়ন অনুসৰি খাদ্যত ইচ্ছাকৃতভাৱে যোগ নকৰা, কিন্তু ইয়াৰ প্ৰস্তুতি আৰু প্ৰক্ৰিয়াকৰণৰ সময়ত গঠন হ’ব পৰা ১০বিধ নাইট্ৰ’ছামাইন কাৰ্চিনোজেনিক আৰু জিন’টক্সিকে ডি এন এৰ ক্ষতি কৰিব পাৰে।
খাদ্য শৃংখলৰ দূষক পদাৰ্থৰ ওপৰত ই এফ এছ এৰ পেনেলৰ অধ্যক্ষ ডায়েটাৰ শ্ব্ৰেংকে কয় যে, “আমাৰ মূল্যায়নে এই সিদ্ধান্তত উপনীত হৈছে যে সমগ্ৰ ইউৰোপীয় ইউনিয়নৰ জনসংখ্যাৰ সকলো বয়সৰ লোকৰ বাবে খাদ্যত নাইট্ৰ’ছামাইনৰ সংস্পৰ্শৰ মাত্ৰাই স্বাস্থ্যজনিত চিন্তাৰ সৃষ্টি কৰিছে।”
ই এফ এছ এয়ে কয় যে কিউৰড মাংস, প্ৰচেছড মাছ, ক’ক’, বিয়েৰ আৰু অন্যান্য মদ্যপানকে ধৰি খাদ্যত নাইট্ৰ’ছামাইন ধৰা পৰিছে।
