ডিজিটেল ডেস্কঃ শ্বাহৰুখ খানৰ পৰা আৰম্ভ কৰি ছলমান খানলৈকে, দীপিকা পাডুকনৰ পৰা কেটৰিনা কাঈফলৈকে বলীউডৰ তাৰকাসকলৰ জীৱনশৈলী অতি বিলাসী। যিহেতু তেওঁলোকে কোটিৰ বহুগুণ উপাৰ্জন কৰে, তেনেকৈয়ে তেওঁলোকে কোটি টকা খৰচো কৰে। বলীউডৰ তাৰকাসকলৰ বিদ্যুতৰ বিল এমাহত কিমান খৰচ হয় জানেনে? আপুনি জানি আচৰিত হ’ব।
১) কেটৰিনা কাঈফ আৰু বিকি কৌশলঃ মুম্বাইৰ এটা আড়ম্বৰপূৰ্ণ অঞ্চলত ৪ বেডৰুমৰ এপাৰ্টমেণ্টত থাকে কেটৰিনা কাঈফ আৰু বিকি কৌশল। লগতে তেওঁলোকে মাহিলী লাখ লাখ বিদ্যুতৰ বিল দিয়ে। বিদ্যুতৰ বিলৰ বাবে মাহে ৮ৰ পৰা ১০ লাখ টকা দিব লাগে কেটৰিনা আৰু বিকিয়ে।
২) আমিৰ খানঃ এই তালিকাত আমিৰ খানো কম নহয়। তেওঁ প্ৰতিমাহে লাখ লাখ বিদ্যুৎ খৰচ বহন কৰে। ৯ৰ পৰা ১১ লাখ টকা তেওঁ কেৱল বিদ্যুতৰ বিল হিচাপে খৰছ কৰে।
৩) দীপিকা পাডুকন আৰু ৰণবীৰ সিংঃ বলীউডৰ অন্যতম সুখী দম্পতী দীপিকা আৰু ৰণবীৰ। তেওঁলোকৰ কেৰিয়াৰ এতিয়া উচ্চতাত আছে। মুম্বাইত দীপিকাৰ দুটা ঘৰ আছে। ইয়াৰ ভিতৰত আছে ১১৯ কোটি টকাৰ বিলাসী বাসগৃহ। ৰণবীৰ আৰু দীপিকাই বিদ্যুতৰ বিলৰ বাবে প্ৰতিমাহে ১৩ৰ পৰা ১৫ লাখ টকা খৰচ কৰিব লগা হয়।
৪) অমিতাভ বচ্চনঃ মুম্বাইৰ জুহুৰ এটা ৰাজপ্ৰসাদ সদৃশ জলছা ঘৰত পৰিয়ালৰ সৈতে থাকে অমিতাভ বচ্চন। এই ঘৰৰ ভিতৰৰ অংশটোক ৰাজপ্ৰসাদৰ ভিতৰৰ অংশ বুলি ক’লেও ভুল কৰা নহ’ব। অমিতাভ বচ্চনে প্ৰতিমাহে বিদ্যুতৰ বিলত ২২ৰ পৰা ২৫ লাখ টকা খৰচ কৰে।
৫) ছলমান খানঃ ছলমান খানৰ মুম্বাইৰ বিভিন্ন প্ৰান্তত একাধিক বিলাসী ফ্লেট আৰু বাসগৃহ আছে। অৱশ্যে তেওঁ নিজেই মুম্বাইৰ এটা কোঠাৰ ফ্লেটত থাকে। অৱশ্যে বিদ্যুতৰ বিলৰ বাবে মাহে ২৩ৰ পৰা ২৫ লাখ টকা দিব লগা হয় ছলমান খানে।
৬) ছেইফ আলী খান আৰু কৰীণা কাপুৰঃ ছেইফ আলী খান আৰু কৰীণাৰ জীৱনশৈলী ৰজাৰ জীৱনশৈলীতকৈ কম নহয়। মুম্বাইৰ মাজমজিয়াত এটা বিলাসী ঘৰত বাস কৰে তেওঁলোকে। মাহিলী বিদ্যুতৰ বিলত ৩০ৰ পৰা ৩২ লাখ টকা খৰচ কৰে।
৭) শ্বাহৰুখ খানঃ মুম্বাইৰ বিলাসী ‘মন্নত’ ঘৰত পৰিয়ালৰ সৈতে থাকে শ্বাহৰুখ খান। মন্নত ৰাজপ্ৰসাদৰ দৰে। সকলো উন্নত সুবিধা আছে। এই ঘৰটোৰ বিদ্যুতৰ ব্যৱহাৰ মাহে ৪৩ৰ পৰা ৪৫ লাখ টকা পৰ্যন্ত হয়।
Continue Reading
