ডিজিটেল ডেস্কঃ যদি আপুনি সেইসকল লোকৰ মাজৰ এজন যিয়ে গভীৰ নিশালৈকে কাম কৰে বা হয়তো ৰাতিপুৱালৈকে সাৰ পাই থাকে, তেন্তে আমি নিশ্চিত যে কফিয়ে নিশ্চয় আপোনাক বৰ সকাহ দিয়ে। এই পানীয়ত এনে কিবা এটা আছে যিয়ে আমাক বহুত শিথিল কৰি তোলে। কিন্তু গাখীৰ আৰু চেনিৰে প্ৰস্তুত কৰা কফিয়ে স্বাস্থ্যৰ ক্ষতি কৰিব পাৰে। তাৰ পৰিৱৰ্তে চেনি নোহোৱাকৈ ব্লেক কফি খাব লাগে। গ্ৰেটাৰ নয়ডাৰ জিমছ হাস্পতালত কৰ্মৰত বিখ্যাত ডায়েটিচিয়ান আয়ুষী যাদৱে ব্লেক কফি খালে আমাৰ শৰীৰত কি কি উপকাৰ পোৱা যায় সেই কথা সদৰী কৰিছে।
ব্লেক কফি খোৱাৰ সুবিধা
১) কম কেলৰিযুক্ত পানীয়ঃ আমেৰিকাৰ কৃষি বিভাগৰ (USDA) তথ্য অনুসৰি পিহি লোৱা বীনৰ পৰা তৈয়াৰী নিয়মীয়া ব্লেক কফিৰ কাপত ২ কেলৰি থাকে। আনহাতে, এক আউন্সৰ সমৃদ্ধ এস্প্ৰেছ’ত মাত্ৰ এটা কেলৰি থাকে। যদি আপুনি ডিকেফেইনযুক্ত বীন ব্যৱহাৰ কৰে তেন্তে আপোনাৰ কফিত কেলৰিৰ সংখ্যা শূন্য হ’ব।
২) ওজন কমোৱাত সহায়কঃ ব্লেক কফিতো ক্ল’ৰ’জেনিক এচিড নামৰ পদাৰ্থ থাকে, যিয়ে ওজন কমাবলৈ সহায় কৰে। ইয়াৰ বাবে ৰাতিৰ আহাৰ খোৱাৰ পিছত শৰীৰত গ্লুক’জ গঠন হোৱাত পলম হয় আৰু নতুন চৰ্বি কোষৰ গঠন কমি যায়, তাৰ পিছত ক্ৰমান্বয়ে ওজন কমিবলৈ আৰম্ভ কৰে।
৩) শৰীৰে শক্তি পাবঃ কফিত কেফেইন পোৱা যায় যিয়ে আমাৰ শৰীৰত বহু প্ৰভাৱ পেলায়। কেফেইন হৈছে এক প্ৰাকৃতিক উদ্দীপক যিয়ে আমাৰ মগজু আৰু স্নায়ুতন্ত্ৰক সক্ৰিয় আৰু মনোনিৱেশ কৰি ৰখাত সহায় কৰে। আমাৰ শক্তিৰ মাত্ৰাও উন্নত কৰাত সহায় কৰে।
Continue Reading
