ডিজিটেল ডেস্কঃ এই মুহূৰ্তত আলিয়া ভাটে নিজৰ পেছাদাৰী জীৱনত উশাহ ল’বলৈও সময় পোৱা নাই। তেওঁৰ নতুন ছবি ‘ৰকি ঔৰ ৰাণী কি প্ৰেম কাহানি’ চলিত মাহত মুক্তি পাব। অভিনেত্ৰীগৰাকীৰ প্ৰথমখন আন্তঃৰাষ্ট্ৰীয় ছবি ‘হাৰ্ট অৱ ষ্টোন’ অহা মাহত মুক্তি পাব। কিন্তু কেৱল কামেই নহয়, আলিয়াই পৰিয়ালকো সময় দিব বিচাৰে।
শেহতীয়াকৈ এক সাক্ষাৎকাৰত তেওঁ পৰিয়াল আৰু কৰ্মৰ মাজত সমতা বজাই ৰখাৰ ক্ষেত্ৰত নিজৰ মনোভাৱ প্ৰকাশ কৰিছে। আলিয়া আৰু ৰণবীৰৰ কন্যা ৰহাৰ বয়স মাত্ৰ আঠ মাহ। ভৱিষ্যতে পৰিয়ালৰ সৈতে সেয়ে আলিয়াই অধিক সময় কটাব বিচাৰে বুলিও কয়।
আলিয়াই কয়, ‘দহ বছৰ উদ্যোগটোত কটোৱাৰ পিছত মোৰ জীৱনটোও সলনি হৈছে। এটা সময়ত মই শ্বুটিঙৰ বাবে টোপনি, পৰিয়াল, সকলো এৰি দিছো।''
কিন্তু এতিয়া অভিনেত্ৰীগৰাকীয়ে স্বামী-কন্যাৰ সৈতে থকা সুখী পৰিয়ালটোক আওকাণ কৰিব নোৱাৰে। গতিকে তেওঁ পৰিয়ালক সময় দিয়াৰ পক্ষপাতী। আলিয়াৰ ভাষাত "মই উপলব্ধি কৰিছো যে পৰিয়াল মোৰ আটাইতকৈ ডাঙৰ সহযোগী। মই পৰিয়ালৰ লগত কোনো কামতে আপোচ কৰিব নোৱাৰো।''
আলিয়াই বিশ্বাস কৰে যে ব্যক্তিগত জীৱন আৰু পেছাদাৰী জীৱনৰ মাজত সেই ভাৰসাম্য বজাই ৰখাটো সম্ভৱ। তেওঁৰ ভাষাত, "মই কাম বন্ধ কৰি দিম, সেয়া মই কোৱা নাই। কিন্তু পৰিয়ালটোৰ বাবে অলপ সময় ৰাহি কৰিব পাৰি! মই সদায় সেইটো চেষ্টা কৰি আহিছো।''
Continue Reading
