ডিজিটেল ডেস্ক: জম্মু-কাশ্মীৰৰ বৈষ্ণোদেৱী মন্দিৰ হিন্দুসকলৰ এক বিখ্যাত তীৰ্থস্থান। য’ত হাজাৰ হাজাৰ দৰ্শনাৰ্থীয়ে ভীৰ কৰে৷ শেহতীয়া কৈ এই মন্দিৰলৈ যতায়ত ব্যৱস্থাত এক নতুন সংযোজন ঘটাবলৈ গৈ আছে৷ এই লৈ এতিয়া স্থানীয় ব্যৱসায়ী সকলৰ মাজত সৃষ্টি হৈছে বিৰোধ৷
বৈষ্ণোদেৱী মন্দিৰৰ পৰিচালনা কৰা শ্ৰী মাতা বৈষ্ণোদেৱী শ্ৰাইন ব'ৰ্ডে জম্মু-কাশ্মীৰৰ বৈষ্ণোদেৱীৰৰ ৰ’পৱে প্ৰকল্পৰ বৰোধিতা কৰি স্থানীয় ব্যৱসায়ীসকলে আহ্বান জনোৱা ৭২ ঘণ্টীয়া বন্ধৰ আজি দ্বিতীয় দিন শনিবাৰ। ইয়াৰ পিছতো বন্ধ চলি থাকিব নেকি সেই লৈ ইতিমধ্যে ভক্তসকল চিন্তিত হৈ পৰিছে। স্থানীয় ব্যৱসায়ীসকলৰ এই বন্ধত ভক্তসকল সমস্যাৰ সন্মুখীন হৈছে।
উল্লেখনীয় যে বৈষ্ণোদেৱীলৈ যাবলৈ বহু তীৰ্থযাত্ৰী ঘোঁৰাত উঠি পাহাৰীয়া পথেৰে যাত্ৰা কৰে। যাৰ বাবে এই ব্যৱসায় চলি আছে আৰু বহুলোক এই বৃত্তিৰ লগত জড়িত। এই প্ৰকল্পই তেওঁলোকৰ জীৱিকা ওপৰত প্ৰভাৱ পেলাব। সেয়ে পোনপটীয়াকৈ বৈষ্ণোদেৱীলৈ যাবলৈ ৰ’পৱেৰ ব্যৱস্থাৰ প্ৰকল্পটো আৰম্ভ হোৱাৰ আগতেই প্ৰতিবাদত বহিল ব্যৱসায়ীসকল। তেওঁলোকে আশংকা কৰিছে যে ৰ’পৱে মুকলি হ’লে বহুতে জীৱিকা হেৰুৱাব। সেয়ে ব্যৱসায়ীসকলে ৰ’পৱে আৰম্ভ নকৰিবৰ বাবে বিৰোধিতা কৰিছে।
ব্যৱসায়ীসকলে কয় যে বিগত তিনিবছৰ ধৰি ইয়াৰ বিৰুদ্ধে যুঁজি আহিছে। তেওঁ লোকক মন্দিৰ পৰিচালনা সমিতিয়ে আশ্বাস দি আহিছিল। কিন্তু এতিয়া মন্দিৰ কমিটীয়ে এই প্ৰকল্পটো আৰম্ভ কৰিছে। তেওঁলোকৰ দাবী পূৰণ নহ’লে এই বন্ধ চলি থাকিব বুলি সদৰি কৰিছে৷
মন্দিৰ সমিতিৰ মুখ্য কাৰ্যবাহী বিষয়া আনছুল গাৰ্গে কয়, ‘এই প্ৰকল্পই অঞ্চলটোলৈ সমৃদ্ধি কঢ়িয়াই আনিব। বিশেষকৈ যিসকলে পাহাৰীয়া পথত খোজ কাঢ়িব নোৱাৰে, এই প্ৰকল্পৰ ৰূপায়ণে ভক্তসকল যথেষ্ট উপকাৰিত হ’ব বুলি উল্লেখ কৰে৷
Continue Reading
