অসম গ্ৰন্থমেলাৰ বাকৰিত শুভ উন্মোচন সাংবাদিক কুমুদ বৰুৱাৰ গ্ৰন্থ 'লাষ্ট বেঞ্চাৰ'

ডিজিটেল ডেস্কঃ অসম প্ৰকাশন পৰিষদ আৰু সদৌ অসম পু্থি প্ৰকাশক আৰু বিক্ৰেতা সংস্থাৰ উদ্যোগত খানাপাৰা পশু চিকিৎসা মহাবিদ্যালয় খেলপথাৰত অনুষ্ঠিত অসম গ্ৰন্থমেলাৰ বাকৰিত সাংবাদিক কুমুদ বৰুৱাৰ 'লাষ্ট বেঞ্চাৰ' শীৰ্ষক শিশু উপন্যাসখন শুভ উন্মোচন কৰা হয়। 

পাঞ্চজন্য প্ৰকাশনে প্ৰকাশ কৰা শিশু উপন্যাসখন উন্মোচন কৰে জ্যেষ্ঠ সাংবাদিক নিতুমণি শইকীয়াই, বিশিষ্ট অতিথি হিচাপে উপস্থিত থাকে ছয়গাঁও মহাবিদ্যালয়ৰ অধ্যক্ষ ড° তপন দত্ত। গ্ৰন্থমেলাৰ বাকৰিৰ ড° বসন্ত কুমাৰ ভট্টাচাৰ্য সোঁৱৰণী সভাগৃহত অনুষ্ঠিত গ্ৰন্থ উন্মোচনী অনুষ্ঠানটিৰ আঁত ধৰে কন্যা কুমাৰী শইকীয়াই। বিদ্যালয় বা সমাজৰ লাষ্ট বেঞ্চত বহা সকলক প্রায়ে অৱহেলাৰ চকুৰে চোৱা হয়। কিন্তু সমাজ জীৱনৰ বিভিন্ন ক্ষেত্রত তেওঁলোকৰ উল্লেখযোগ্য বৰঙনি থাকে।তেনেদৰে গোষ্ঠী সংঘর্ষ, বান খহনীয়া, পাৰিবাৰিক সংঘাত, দৰিদ্ৰতা আদিৰ দৰে সমস্যাৰ বাবে ‍শিশুসকলে মানুহৰ মৰম চেনেহৰ পৰা বঞ্চিত হৈ এটা সময়ত অপৰাধজনিত কার্যত জড়িত হৈ পৰা দেখা যায়। তেনে কিছু বিষয়ক লৈ লিখা হৈছে এই গ্রন্থখন।