বুদ্ধ হোগা তেৰা বাপ! ৰূপালী পৰ্দাত আকৌ এবাৰ খলকনি লগাবলৈ আহি আছে ‘বিগ বি’

ডিজিটেল ডেস্কঃ বয়স মাথো এটা সংখ্যাহে, বলীউডৰ বিগ বি অমিতাভ বচ্চনৰ বাবে যেন এই বাক্যশাৰী সম্পূৰ্ণৰূপে প্ৰযোজ্য। বৰ্তমান তেওঁৰ বয়স ৮০ উৰ্দ্ধৰ হলেও তেওঁ এতিয়াও বলীউডৰ যিকোনো একচন হিৰোক অনায়াসে পৰাস্ত কৰিব পাৰে। এজন একচন হিৰো হৈ ৰূপালী পৰ্দাত ভূমিকা মৰা এই ছুপাৰষ্টাৰজন বলীউডত ইটোৰ-পাছত সিটো খ্যাতি অৰ্জন কৰিছে। জাঞ্জিৰ, ৰোটি কপদা ঔৰ মাকান, দিৱাৰ, ডন, ত্ৰিশূল, দ্য গ্ৰেট গেম্বলাৰ, কালা পাথাৰ, দোস্তানা, শান, শক্তি, আখৰী ৰাস্তা, শেহনশ্বাহ, অগ্নিপথৰ দৰে চলচ্চিত্ৰৰ প্ৰতিটো দৃশ্য-সংলাপৰ বিষয়ে আজিও সকলোৰে হয়তো মনত আছে। শেহতীয়াকৈ, অমিতাভ বচ্চনে তেওঁৰ আহিবলগীয়া প্ৰকল্পৰ ছেটৰ পৰা এখন 'একচন-পেক' ছবি শ্বেয়াৰ কৰিছে। তেওঁ নিজে বৰ্ণনা কৰিছে যে তেওঁক কিয় এংৰি ইয়ং মেন উপাধি দিয়া হৈছিল। বুধবাৰে নিশা, অমিতাভ বচ্চনে ইনষ্টাগ্ৰামত দুখন ফটো শ্বেয়াৰ কৰিছিল। তাত বিগ বিক এটা একচন চিকুৱেঞ্চ শ্বুটৰ মাজত দেখা গৈছিল। ছবিখনত, অভিনেতাজনে অমিতাভ বচ্চনৰ হাতত এখন বেচ বলৰ বেট আছিল তাৰ পাছত তেওঁ সন্মুখৰ কাঁচৰ বেৰখন তেওঁৰ ভৰিৰে ভাঙি পেলায়। বিগ বি-ৰ এই ছবিখন দেখি তেওঁৰ অনুৰাগীসকল তেওঁক প্ৰশংসাৰে উপচাই পেলাইছে। বিগ বি নতুন ছবি 'ঝুণ্ড'ৰ ট্ৰেইলাৰ কালি মুক্তি দিয়া হৈছিল। ৩ মিনিট ১ ছেকেণ্ডৰ ট্ৰেইলাৰৰ আৰম্ভণিতে, বিগ বিক ফুটবল প্ৰশিক্ষক বিজয় বৰশৰ চৰিত্ৰত দেখা গৈছে। তেওঁৰ সপোন হৈছে বস্তিবাসী ল'ৰাৰ এটা দলৰ সৈতে এটা ফুটবল দল বনোৱা। মাৰাঠী পৰিচালক নাগৰাজ পোপটলাল মঞ্জুল 'ঝুণ্ড' পৰিচালনাৰ দায়িত্বত আছে।