ডিজিটেল ডেস্ক : কোৱা হয় যে পুৱাটো
যদি ভালকৈ আৰম্ভ হয়, তেন্তে গোটেই দিনটোৱে ভালৰে যায়। বেছিভাগ লোকে চাহ-কফিৰে দিনটো
আৰম্ভ কৰে যদি এই অভ্যাস স্বাস্থ্যৰ বাবে ক্ষতিকাৰক। এটা গৱেষণাৰ তথ্য অনুসৰি পুৱা খালী পেটত চাহ-কফি খালে এচিডিটি আৰু
পেটৰ লগত জড়িত বহু সমস্যা সৃষ্টি হ’ব পাৰে। গতিকে পুৱা চাহ-কফি খোৱাৰ সলনি এনে কিছুমান
পানীয় সেৱন কৰিব লাগে যিবোৰ শক্তিৰে ভৰপূৰ আৰু শৰীৰক সুস্থ কৰি ৰখাত সহায় কৰে। দিনটো
আৰম্ভ কৰিবলৈ চাহ-কফিৰ সলনি কোনবোৰ পানীয় ব্যৱহাৰ কৰা উচিত সেই বিষয়ে জানো আহক।
১. গাখীৰঃ-গাখীৰ অতি পুষ্টিকৰ বুলি গণ্য কৰা হয়। স্বাস্থ্য বিশেষজ্ঞৰ মতে পুৱাৰ ব্ৰেকফাষ্টত চাহৰ সলনি গাখীৰ খোৱাৰ অভ্যাস গঢ়ি তোলক। নিয়মিতভাৱে ভিটামিন, কেলচিয়ামযুক্ত গাখীৰ সেৱন কৰিলে হাড় আৰু দাঁত মজবুত হয়। পুৱা গাখীৰ সেৱন কৰিলে গোটেই দিনটো শক্তিশালী অনুভৱ হয়।
২. নেমুৰ পানী-নেমুৰ পানীক এনাৰ্জি ড্ৰিংক বুলি কোৱা হয়। গ্ৰীষ্মকালত যিকোনো সময়তে নেমুৰ পানী সেৱন কৰিব পাৰে, যাৰ ফলত পানীলগাৰ সমস্যা কম হয় আৰু পুৱা নেমুৰ ৰস কুহুমীয়া পানীৰ সৈতে মিহলাই খালে শৰীৰত অধিক উপকাৰ পোৱা যায়। পুৱা খালী পেটত নেমুৰ গৰম পানীয়ে পাচনতন্ত্ৰ আৰু ৰোগ প্ৰতিৰোধ ক্ষমতা বৃদ্ধি কৰে। ওজন বৃদ্ধি ৰোধ কৰে আৰু দিনটোৰ বাবে সতেজ কৰি ৰাখে
৩. নাৰিকল পানীঃ-স্বাস্থ্যৰ ক্ষেত্ৰতো
নাৰিকল পানী উপকাৰী। নাৰিকল পানীক এনাৰ্জি ড্ৰিংক হিচাপে গণ্য কৰা হয়। পুৱা নাৰিকল
পানী সেৱন কৰিলে গোটেই দিনটোৰ বাবে শক্তিৰ অভাৱ নহয়। নাৰিকল পানীত চৰ্বি আৰু চেনিৰ
পৰিমাণ অতি কম। সেইবাবেই নাৰিকল পানী সেৱন কৰিলে সকলো দিশতে স্বাস্থ্যৰ বাবে উপকাৰী।
