ডিজিটেল ডেস্ক: দেশত বৃদ্ধি পাইছে ৰাষ্ট্ৰদ্ৰোহৰ গোচৰৰ সংখ্যা৷ উদ্বেগজনকভাৱে বৃদ্ধি পাইছে সন্ত্ৰাসবাদ বিৰোধী আইন ‘বেআইনী কাৰ্যকলাপ (প্ৰতিৰোধ) আইন’ৰ অধীনত ৰুজু হোৱা গোচৰৰ সংখ্যাও৷
কেন্দ্ৰীয় চৰকাৰৰ শেহতীয়া তথ্য অনুসৰি, ২০১৮ৰ পৰা ২০২২লৈ দেশত দেশদ্ৰোহৰ ৭০১টা গোচৰ ৰুজু কৰা হৈছিল আৰু বেআইনী কাৰ্যকলাপ (প্ৰতিৰোধ) আইনৰ অধীনত ৫,০২৩টা গোচৰ ৰুজু কৰা হৈছিল৷ লোকসভাত এই তথ্য প্ৰদান কৰিছে কেন্দ্ৰীয় মন্ত্ৰী নিত্যানন্দ ৰায়ে।
ৰায়ে অৱশ্যে কয় যে ৰাষ্ট্ৰদ্ৰোহৰ অধীনত পঞ্জীয়ন কৰা গোচৰৰ সংখ্যা ২০২১ চনৰ ১৪৯ৰ পৰা ২০২২চনত ৬৮লৈ হ্ৰাস পাইছে।
একেদৰে, ইউএপিএৰ অধীনত পঞ্জীয়ন কৰা গোচৰবোৰৰ সংখ্যা ২০২১ৰ ৮১৪ৰ পৰা ২০২২ত ১০০৫লৈ বৃদ্ধি হৈছে বুলি ৰায়ে এটা প্ৰশ্নৰ লিখিত উত্তৰত সদৰী কৰে৷
মন্ত্ৰীজনে লগতে কয় যে এই সময়ছোৱাত ৭৮৮জন লোকক গ্ৰেপ্তাৰ কৰা হৈছিল আৰু ৫০০জনৰ বিৰুদ্ধে ৰাষ্ট্ৰদ্ৰোহৰ গোচৰৰ বিৰুদ্ধে অভিযোগনামা দাখিল কৰা হৈছিল। মুঠ ১৩১জন লোকক দোষমুক্ত কৰা হৈছিল।
একেদৰে, ইউএপিএৰ অধীনত ৮,৯৪৭জন লোকক গ্ৰেপ্তাৰ কৰা হৈছে আৰু ৬,৫০৩জন লোকৰ নাম অভিযোগপত্ৰত আছে। মুঠ ৫৫০জন লোককো নিৰ্দোষ সাব্যস্ত কৰা হৈছিল৷
Continue Reading
