ডিজিটেল ডেস্কঃ চীনে সকলো বস্তুৰে কপি বনাব পাৰে। এছিয়াৰ দেশখনে মোবাইল, টেলিভিছন, ঘড়ী, চাউল, কণী আদি বহু বস্তু জাল কৰাৰ অভিযোগ উত্থাপন হৈছে। এইবাৰ ভুৱা ক্রিষ্টিয়ানো ৰোনাল্ডোও তাত দেখা গ’ল৷
আল নাছেৰে দুখন মেচ খেলিবলৈ চীন ভ্ৰমণ কৰাৰ কথা আছিল। ছৌদি আৰৱত থকা ক্লাবটোৰ কৰ্তৃপক্ষই ৰোনাল্ডোৰ আঘাতৰ বাবে চীন ভ্ৰমণ বাতিল কৰিছে। ৰোনাল্ডোৱে এই ভ্ৰমণ বাতিলৰ বাবে চীনৰ ফুটবল অনুৰাগীৰ ওচৰতো ক্ষমা বিচাৰিছিল।
অৱশ্যে সেই দেশৰ ফুটবল প্ৰেমীসকলে ৰোনাল্ডোক হাতৰ মুঠিতে পালে। বহুতে ৰোনাল্ডোৰ অটোগ্ৰাফে পালে। কিছুমানে কাষত থিয় হৈ ফটো উঠিছিল। আল নাছেৰৰ জাৰ্চি পিন্ধি ৰোনাল্ডোৱেও অনুৰাগীৰ সকলো প্ৰয়োজন হাঁহি হাঁহি পূৰণ কৰিছিল। ছ’চিয়েল মিডিয়াত ভাইৰেল হৈ পৰিছে এই ভিডিঅ’।
চি আৰ চেভেনে চীনৰ ৰাজপথত অকলে খোজো কাঢ়িছে! পৰ্তুগালৰ ফুটবল অধিনায়কৰ বাবে নাই কোনো নিৰাপত্তাৰক্ষী।
প্ৰকৃততে সেয়া নহয়। ৰোনাল্ডো চীনলৈ অহা নাছিল। দেখাত হুবহু পৰ্তুগীজ ষ্ট্ৰাইকাৰজনৰ দৰেই আন এজন লোকেহে ৰোণাল্ডোৰ দৰে ঘূৰি ফুৰিছে। পোছাকটোও তেওঁৰ দৰেই। ফুটবল প্ৰেমীসকল ভুৱা ৰোনাল্ডোৰ ওপৰত আকৰ্ষিত হৈ পৰে। এজন ফুটবল অনুৰাগীয়ে কয়- ''আমি প্ৰকৃত ৰোনাল্ডোক খেলা চাবলৈ নাপালোঁ। লাজৰ কথা, হতাশাৰ কথা। কিন্তু এইটো নিশ্চিতভাৱে আকৰ্ষণীয়। বিশ্বাস কৰিব নোৱাৰা কিন্তু ভুৱা ৰোনাল্ডো দেখাত হুবহু প্ৰকৃত ৰোনাল্ডোৰ দৰেই।’’
পৰ্তুগীজ তাৰকাগৰাকী অহা নাই, চীনৰ ফুটবল অনুৰাগীসকলে এতিয়াৰ বাবে ভুৱা ৰোনাল্ডোৰ অটোগ্ৰাফ, ফটোৰেই ধন্য হৈছে।
Continue Reading
