ডিজিটেল ডেস্কঃ আজিকালি শিশুৰ পৰা বৃদ্ধলৈকে চেল্ফি লোৱাত সকলো দক্ষ হৈ পৰিছে। কিন্তু এবাৰতে বাৰু কিমান চেল্ফি ল’ব পাৰে আপপুনি? বৰ বেছি ১০-২০টা হ’ব পাৰে। তাৰপাছত পুনৰ আন কামত ব্যস্ত হৈ পৰে। কিন্তু এটা ভালুকে যি কাম কৰি দেখুৱালে, তাক লৈ স্তম্ভিত নেট দুনীয়া।
হঠাতে এটা কেমেৰা পাই এটা দুটা নহয়, একেৰাহে ৪০০ টা চেলফি ল’লে এটা ভালুকে! কিন্তু ঘটনাটো কি?
ঘটনাটো আমেৰিকা যুক্তৰাষ্ট্ৰৰ কলোৰাডোৰ বুলডাৰৰ জংঘলত সংঘটিত হৈছিল। আন বহুতো জংঘলৰ দৰে ইয়াতো বন্যপ্ৰাণীবোৰক গোপন কেমেৰাৰে নিৰীক্ষণ কৰা হয়। এটা সংস্থাৰ সেই গোপন কেমেৰাত ভালুকৰ অগণন চেলফি ধৰা পৰিছে।
বুল্ডাৰ অপেন স্পেচ মাউণ্টেইন পাৰ্ক (বোল্ডাৰ অ’এছএমপি) নামৰ সেই সংস্থাটোৱে টুইটাৰত ভালুকটোৰ কিছু চেলফি শ্বেয়াৰ কৰিছে। কৌতুকৰ সুৰত কোম্পানীটোৱে পোষ্টটোৰ শিৰোনামত লিখিছে, “শেহতীয়াকৈ এটা ভালুকে এটা ৱাইল্ডলাইফ কেমেৰা আৱিষ্কাৰ কৰিছে যাক আমি বন্যপ্ৰাণী নিৰীক্ষণ কৰিবলৈ ব্যৱহাৰ কৰোঁ। আৰু সেই কেমেৰাত তোলা ৫৮০ খন ফটোৰ ভিতৰত আছে ৪০০ খনেই ভালুকটোৰ চেলফি।”
উক্ত ধেমেলীয়া পোষ্টটো ইণ্টাৰনেটত ভাইৰেল হৈ পৰিছে। ভালুকটো চেলফি লোৱাত ইমান ব্যস্ত আছিল যে কিছু লোকে ধেমেলীয়া ধৰণে মন্তব্য কৰি কৈছে যে কেমেৰাত চেল্ফী ল’বলৈ ভালুকটোৰ ওচৰত বাকী জন্তুবোৰে সুযোগেই নাপালে। আন এজন টুইটাৰ ব্যৱহাৰকাৰীয়ে কৌতুক কৰি কয়, “এই ভালুকটোক এটা ইনষ্টাগ্ৰাম প্ৰ’ফাইল দিয়ক।‘’
Continue Reading
