চাবুৱাৰ থানাই চাহ বাগিছাত পুনৰ প্ৰকাণ্ড নাহৰফুটুকী পিঞ্জৰাবদ্ধ

ডিজিটেল ডেস্কঃ চাবুৱাত পিঞ্জৰাবদ্ধ হৈছে প্ৰকাণ্ড নাহৰফুটুকী । দীঘদিন ধৰি চাবুৱা ৰহমৰীয়া আৰক্ষী থানা অন্তৰ্গত থানাই চাহ বাগিছাত নাহৰফুটুকী বাঘে আতংকৰ সৃষ্টি কৰিছিল। আতংকিত স্থানীয় লোকসকলে দিকবিদিক হেৰুৱাই পেলাইছিল।

অঞ্চলটোত বাঘৰ আতংক প্ৰতিৰোধৰ অৰ্থে জিলা বন বিভাগৰ তত্বাৱধানত স্থাপন কৰা হয় এটা পিঞ্জৰা। এই পিঞ্জৰাতে এটিা প্ৰকাণ্ড নাহৰফুটুকী বাঘ আৱদ্ধ হয় ।

যোৱা শুকুৰবাৰেও দিনৰ ভাগত এই স্থানতে অন্য এটি নাহৰফুটুকী বাঘ পিঞ্জৰাবদ্ধ হৈছিল ।

উল্লেখ্য যে পিঞ্জৰাবদ্ধ নাহৰফুটুকীটোৱে অঞ্চলটোৰ বিভিন্ন প্ৰান্তত সন্ত্ৰাস চলাই পোহনীয়া হাঁহ, কুকুৰা, পাৰ, ছাগলী আদি ভক্ষণ কৰি ৰাইজৰ মাজত সন্ত্ৰাসৰ সৃষ্টি কৰি আহিছিল । সমগ্ৰ অঞ্চলটোত সন্ত্ৰাসৰ সৃষ্টি কৰা বাঘৰ পৰা পৰিত্ৰাণ পাবলৈ ৰাইজে এই কথা বন বিভাগক অৱগত কৰে । ফলত ৰাইজৰ সহযোগত বন বিভাগে স্থাপন কৰা পিঞ্জৰাত বাঘটো আবদ্ধ হয় ।

ইফালে উক্ত অঞ্চলটোত ৰাইজক ত্ৰাসিত কৰা বাঘটো পিঞ্জৰাবদ্ধ হোৱাত ৰাইজে অলপ হ'লেও স্বস্তিৰ নিশ্বাস পেলাইছে । বাগিছাখনত নিশা পিঞ্জৰাবদ্ধ নাহৰফুটুকী বাঘটো ওচৰ পৰা প্ৰত্যক্ষ কৰিবলৈ বহু লোকৰ সমাগম হোৱা পৰিলক্ষিত হয় ।