ডিজিটেল ডেস্কঃ নাম তেওঁৰ ৰতন টাটা। নামেই তেওঁৰ পৰিচয়। ৰতন টাটা দেশৰ অন্যতম বিখ্যাত উদ্যোগপতি। তেওঁৰ উদ্যোগতে টাটা গ্ৰুপে এক নতু মাত্ৰা লাভ কৰিছে। ব্যৱসায়ৰ লগতে তেওঁ দেশৰ মৰ্যাদাকো এক নতুন শিখৰলৈ লৈ গৈছে। ৰতন টাটা দেশৰ প্ৰতিগৰাকী লোকৰেই সন্মানীয় ব্যক্তি ।
সমাজসেৱাৰ ক্ষেত্ৰতো তেওঁৰ আছে অনবদ্য অৱদান। তেনে অৱদানৰ বাবেই ভাৰত চৰকাৰে তেওঁক দেশৰ দ্বিতীয় সৰ্বোচ্চ অসামৰিক বঁটা পদ্ম বিভূষণ বঁটা প্ৰদান কৰিছে।টাটা চন্সৰ অধ্যক্ষ ৮৫ বছৰীয়া ৰতন টাটা এতিয়াও ছ'চিয়েল মিডিয়াত সক্ৰিয় হৈ আছে। তেওঁ তেওঁৰ জীৱনৰ বহু মুহূৰ্ত ইনষ্টাগ্ৰামত শ্বেয়াৰ কৰি আহিছ। তেওঁ তেওঁৰ জীৱনৰ স্মৃতি সামাজিক মাধ্যমত শ্বেয়াৰ কৰি নিজৰ মনৰ ভাব মানুহৰ মাজত বিলাই দিছে। তেওঁ তেওঁৰ অনুগামীসকলৰ সৈতে এই সাফল্যৰ কথা বিনিময় কৰি আহিছে।
ছ’চিয়েল মিডিয়াত ৰতন টাটাৰ ৮.৫ নিযুত ফলোৱাৰ আছে। কিন্তু আপুনি জানি হয়তো আচৰিত হ'ব যে ৰতন টাটাই নিজে কেৱল এজন ব্যক্তিকহে অনুসৰণ কৰে। আচৰিত নহয়নে বাৰু?আপুনি নিশ্চয় ভাবিছে সেই বিশেষ ব্যক্তিজন কোন? অৱশ্যে আমোদজনক কথাটো হ'ল এয়াই যে ৰতন টাটাই যাক অনুসৰণ কৰে তেওঁ কোনো ব্যক্তি নহয়। সেয়া হৈছে টাটা ট্ৰাষ্ট।
টাটা ট্ৰাষ্ট হৈছে ৰতন টাটাৰ মালিকানাধীন এটা কোম্পানী।টাটা ট্ৰাষ্ট ১৯১৯ চনত প্ৰতিষ্ঠা কৰা হৈছিল। টাটা ট্ৰাষ্ট বৰ্তমান দেশৰ আটাইতকৈ পুৰণি অনুদান প্ৰদানকাৰী কোম্পানীবোৰৰ ভিতৰৰেএটা। এই ট্ৰাষ্ট্ৰে যোৱা এক শতিকা ধৰি দেশৰ উন্নয়নত এক গুৰুত্বপূৰ্ণ ভূমিকা পালন কৰি আহিছে। ট্ৰাষ্ট্ৰৰ কাৰ্যকলাপ নিয়মীয়াকৈ ইনষ্টাগ্ৰামত প্ৰকাশ পাই আহিছে। ৰতন টাটাই কেৱল ইনষ্টাগ্ৰামত এই কোম্পানীটোকহে অনুসৰণ কৰে ।
Continue Reading
