ডিজিটেল ডেস্ক: কলকাতাৰ আৰ জি কৰ মেডিকেল কলেজ এণ্ড হস্পিতালৰ ধৰ্ষণ আৰু হত্যা কাণ্ডৰ ভুক্তভোগীৰ নাম আৰু ছবি সামাজিক মাধ্যমত ভাইৰেল হৈ পৰা ঘটনাই সকলোকে সচকিত কৰি তুলিছে।
আৰ জি কাৰ গোচৰৰ ভুক্তভোগীৰ ছবি আৰু নাম আৰু মৃত চিকিৎসকৰ নাম আৰু পৰিচয় সামাজিক মাধ্যমত প্ৰকাশ কৰাৰ ঘটনাক লৈ কেন্দ্ৰীয় চৰকাৰে গ্ৰহণ কৰিছে ব্যৱস্থা। কেন্দ্ৰীয় তথ্য প্ৰযুক্তি আৰু বৈদ্যুতিন মন্ত্ৰালয়ে বুধবাৰে এক অধিসূচনা জাৰি কৰি সকলো ছ’চিয়েল মিডিয়া প্লেটফৰ্ম আৰু ইলেক্ট্ৰনিক মিডিয়াৰ পৰা মৃতকৰ নাম, ফটো আৰু ভিডিঅ’ ক্লিপিংকে ধৰি সকলো তথ্য শীঘ্ৰে আঁতৰোৱাৰ নিৰ্দেশ দিয়ে।
কেন্দ্ৰীয় তথ্য প্ৰযুক্তি মন্ত্ৰালয়ৰ অধিসূচনাত কোৱা হৈছে যে, "ভুক্তভোগীৰ নাম বা ছবি প্ৰকাশ কৰাটো উচ্চতম ন্যায়ালয়ৰ নিৰ্দেশৰ বিৰোধী।" ছ’চিয়েল মিডিয়া মেনেজমেণ্ট কোম্পানীসমূহক এনে স্পৰ্শকাতৰ তথ্য যাতে কোনো প্ৰকাৰে ৰাজহুৱা নহয় তাৰ প্ৰতি লক্ষ্য ৰাখিবলৈ কোৱা হৈছে। যদি তেওঁলোকে এই আদেশ মানি চলাত ব্যৰ্থ হয় তেন্তে তেওঁলোকৰ বিৰুদ্ধে আইনী ব্যৱস্থা গ্ৰহণ কৰাৰ লগতে নিষেধাজ্ঞা জাৰি কৰা হ’ব পাৰে।
২০১৮ চনৰ নিপুন ছাক্সেনা গোচৰৰ ৰায়দানত উচ্চতম ন্যায়ালয়ে নিৰ্দেশ দিছিল, উচ্চতম ন্যায়ালয়ে নিৰ্দেশ দিছিল যে কোনো কাৰণতে ভুক্তভোগী বা তেওঁৰ পৰিয়ালৰ সদস্যৰ নাম আৰু ঠিকনা প্ৰকাশ কৰিব নোৱাৰিব। এই নিৰ্দেশনা আওকাণ কৰি ফেচবুক, টুইটাৰ, ইনষ্টাগ্ৰাম আদি বিভিন্ন ছ’চিয়েল মিডিয়াত আৰ জি কাৰ কাণ্ডৰ ভুক্তভোগীৰ তথ্য মুকলি হোৱা ঘটনাই ইতিমধ্যে বিতৰ্কৰ সৃষ্টি কৰিছে। এই সন্দৰ্ভত কলকাতা আৰক্ষীয়েও বিহিত ব্যৱস্থা গ্ৰহণ কৰিছে।
