ডিজিটেল ডেস্কঃ যদিও দেৱভূমি উত্তৰাখণ্ড সৌন্দৰ্য্যৰ বাবে সমগ্ৰ বিশ্বতে বিখ্যাত। কিন্তু আজিও কিছুমান গাঁও আছে য’ত বহুতো সুন্দৰ উপত্যকা আছে যদিও পকী পথ, চিকিৎসালয় আৰু প্ৰাথমিক স্বাস্থ্য কেন্দ্ৰ নাই। আৰু যিবোৰ আছে সেইবোৰো গাঁৱৰ পৰা কেইবা কিলোমিটাৰ দূৰত্বত আছে।
চিকিৎসালয়তো দূৰৰে কথা, বহু গাঁৱত খোজকাঢ়িবলৈও নাই ৰাস্তা। আৰু তাত থকা ৰাস্তাবোৰো কিবা কাৰণত বন্ধ হৈ থাকে। যাৰ বাবে গাঁৱৰ ৰাইজে বহু সমস্যাৰ সন্মুখীন হ’বলগীয়া হৈছে। কোটাবাঘৰ জলনা গাঁৱতো দেখা গ’ল একেধৰণৰ ঘটনা ৷
আচলতে বিষয়টো কোটাবাঘ জিলাৰ অন্তৰ্গত জলনা গাঁৱৰ। ১৮ দিনৰ বাবে বন্ধ দেৱীপুৰা-সৌৰ পথ। যাৰ বাবে জলনা গাঁৱৰ বাসিন্দা বীৰ সিং ৰাৱটৰ কন্যা জ্যোতিয়ে ভৰিত গুৰুতৰভাৱে আঘাত পোৱাৰ বাবে চিকিৎসালয়লৈ অনাৰ ক্ষেত্ৰত বহু অসুবিধাৰ সন্মুখীন হ’বলগীয়া হয়। দেৱীপুৰা-সৌৰ পথ বন্ধ হোৱাৰ বাবে বীৰ সিং ৰাৱটে নিজৰ কন্যাক পিঠিত লৈ ২২ কিলোমিটাৰ খোজ কাঢ়ি কোটাবাঘ চহৰলৈ যায়। ইয়াৰ পিছত চিকিৎসালয়ত উপস্থিত হৈ জীয়েকক চিকিৎসাৰ বাবে ভৰ্তি কৰে ৷
১৮ দিনৰ বাবে বন্ধ দেৱীপুৰা-সৌৰ পথ। এই পথটোৱেই হৈছে অঞ্চলটোৰ ২৫খন গাঁওক জিলা মুখ্য কাৰ্যালয়ৰ সৈতে সংযোগ কৰা একমাত্ৰ সংযোগ পথ। পথটো বন্ধ হোৱাৰ বাবেই এই গাঁৱৰ ৰাইজে সৰ্বাধিক সমস্যাৰ সন্মুখীন হৈছে।
Continue Reading
