ডিজিটেল ডেস্কঃবিশ্বৰ ফুটবলাৰসকলৰ ভিতৰত অন্যতম নেইমাৰ। নেইমাৰ এইবাৰ প্ৰেমত পৰিছে! বিভিন্ন সময়ত বিভিন্ন যুৱতীৰ পৰা লাভ কৰা প্ৰেমৰ প্ৰস্তাৱৰ প্ৰতি মুঠেও গুৰুত্ব দিয়া নাছিল নেইমাৰে। ব্ৰুনা মাৰ্কেজিন, লাৰিছা মাচেডো মাচাডো, থাইলেণ্ড আয়লা, কেৰোলিনা ডানলাছ, বাৰবাৰা ইভান্স, লাৰিছা অলিভিয়েৰা... কিমানে যে প্ৰেম নিবেদন কৰা নাছিল নেইমাৰক। কিন্তু কাৰো প্ৰতিয়েই যেন গুৰুত্ব দিয়া নাছিল নেইমাৰে। ছোৱালী বুলিলেই এক প্ৰকাৰৰ এলাৰ্জী থকা নেইমাৰে এইবাৰ এক নতুন শিহৰণ বিচাৰি পাইছে।
জেছিকা তুৰিনি নামৰ এগৰাকী ধুনীয়া যুৱতীয়ে নেইমাৰৰ হৃদয়ৰ দুৱাৰত টোকৰ মাৰিছে! ব্ৰাজিলৰ সংবাদ মাধ্যমৰ মতে নেইমাৰ হয়তো এইবাৰ প্ৰেমত পৰিছে। তেওঁৰ নতুন প্ৰেমিকা জেচিকা তুৰিনি এগৰাকী মডেল আৰু ডিজিটেল জগতত সুপৰিচিত যুৱতী। ২০১৪ চনত তেওঁ সৌন্দৰ্য প্ৰতিযোগিতা মিছ এস্পিৰিটো চেণ্টোত বিজয়ীৰ মুকুট পিন্ধিছিল।
কাটাৰ বিশ্বকাপৰ সময়ত জেছিকা তুৰিনিয়ে ফুটবল জগতৰ দৃষ্টি আকৰ্ষণ কৰিছিল। গেলেৰীত তেওঁক ব্ৰাজিলক সমৰ্থন কৰা দেখা গৈছিল। ব্ৰাজিলৰ খেলৰ সময়ত তেওঁ নিয়মীয়াকৈ তেওঁৰ মোবাইল ফোনেৰে খেলপথাৰৰ বিভিন্ন অনুষ্ঠানৰ ভিডিঅ' প্ৰস্তুত কৰিছিল। ইয়াৰ উপৰি নেইমাৰৰ গ'লৰ পিছত তেওঁক ব্ৰাজিলৰ জাৰ্চী পিন্ধি চিবিএফৰ লোগো চুম্বন কৰা দেখা গৈছিল।
খবৰ অনুসৰি নেইমাৰে পুৰণি বছৰটোক বিদায় জনোৱাৰ বাবে আৰু নতুন বছৰ উদযাপন কৰিবলৈ এটা পাৰ্টিৰ আয়োজন কৰিছিল। বিশ্ব বিখ্যা তাৰকাসকলক তালৈ আমন্ত্ৰণ জনোৱা হৈছিল। তেওঁলোকৰ ভিতৰত আছিল ব্ৰাজিলিয়ান মডেল জেচিকা তুৰিনিও।৩০ বছৰীয়া মডেলগৰাকীয়ে ব্ৰাজিলৰ চাও পাওলোত বাস কৰে। মডেলিঙৰ উপৰি জেছিকা তুৰিনিয়ে ভাল চাৰ্ফিং কৰে। নেইমাৰে অৱশ্যে তেওঁৰ প্ৰেমকলৈ এতিয়ালৈকে মুখ খোলা নাই।
Continue Reading
