ডিজিটেল ডেস্কঃ এইবাৰ প্ৰেক্ষাপটত ৰাহুল গান্ধীৰ পোহনীয়া কুকুৰ৷ সৰ্বভাৰতীয় মজলিছ-ই-ইত্তেহাদুল মুছলিমিনৰ নেতা মহম্মদ ফাৰহানে বৃহস্পতিবাৰে কংগ্ৰেছ নেতা ৰাহুল গান্ধীক তেওঁৰ কুকুৰৰ নাম ‘নুৰী’ ৰখাৰ বাবে সমালোচনা কৰি ইয়াক “মুছলমান কন্যাক অপমান” বুলি অভিহিত কৰে।
শেহতীয়াকৈ ৰাহুল গান্ধীয়ে তেওঁলোকৰ পৰিয়ালত নতুনকৈ এটা সদস্যৰ সংযোজন কৰি মাতৃ ছোনিয়া গান্ধীক আচৰিত কৰি তুলিছে,সেই উপহাৰটো হ’ল ‘নূৰী’ নামৰ তিনিমহীয়া জেক ৰাছেল টেৰিয়াৰ কুকুৰ পোৱালি এটা।
ৰাহুল গান্ধীয়ে নিজৰ কুকুৰটোক 'নুৰী' নাম দিয়াত আপত্তি জনাই এআইএমআইএমৰ নেতাজনে কয়, "ৰাহুল গান্ধীয়ে যেতিয়া তেওঁৰ পোহনীয়া কুকুৰটোক "নূৰী" নাম দিছে, ৰাহুল গান্ধীৰ এই কাৰ্য গৰিহণাদায়ক আৰু লজ্জাজনক। কুকুৰ এটাক নুৰী নাম দিয়াটো অপমান একে নামৰ মুছলমান কন্যা আৰু ইয়াৰ দ্বাৰা গান্ধী পৰিয়ালৰ মুছলমান কন্যা আৰু মুছলমান সম্প্ৰদায়ৰ প্ৰতি থকা সন্মানৰ ওপৰত নেতিবাচক প্ৰতিফলন ঘটে।"
কংগ্ৰেছ নেতাগৰাকীয়ে নিজৰ ইউটিউব চেনেলত এটা ভিডিঅ’ শ্বেয়াৰ কৰি দেখুৱাইছে যে কেনেদৰে তেওঁ গোৱাৰ পৰা কুকুৰ পোৱালিটোক দত্তক লৈ দিল্লীলৈ লৈ আহিছিল মাতৃৰ বাবে উপহাৰ হিচাপে প্ৰদান কৰিছিল।
ভিডিঅ’টোত ৰাহুল গান্ধীয়ে কয় যে-“ গোৱাৰ পৰা পোনে পোনে আমাৰ কোলাত উৰি আহি আমাৰ জীৱনৰ পোহৰ হৈ পৰিছে নুৰী।”ভিডিঅ'টোত ছোনিয়া গান্ধীয়ে নুৰীক ধৰি থকা দেখা গৈছিল, আৰু উচ্চাৰণ কৰা দেখা গৈছিল, "তাই ইমান মৰমলগা।"তদুপৰি তেওঁ ৰাহুল গান্ধীক ধন্যবাদ জনাইছিল আৰু কুকুৰ পোৱালিটোৰ সৈতে খেলা দেখা গৈছিল, আৰু ছোনিয়া গান্ধীৰ আনটো পোহনীয়া কুকুৰ ‘লাপো’ৰ সৈতে চিনাকি কৰাই দিছিল।
Continue Reading
