ডিজিটেল ডেস্কঃ দেশত এতিয়া ছুইগি-জোমাটোৰ দৰে খাদ্য বিৰণ এপ সমূহে ব্যাপত জনপ্ৰিয়তা লাভ কৰিছে৷ ছুইগি-জোমাটোৰ দৰে এপ সমূহক প্ৰত্যাহ্বান জনাব পৰাকৈ এতিয়া বলীউডৰ অভিনেতা সুনীল ছেট্টীয়ে এটা নতুন খাদ্য বিতৰণ এপ 'Waayu'(ৱায়ু) মুকলি কৰিছে। এই খাদ্য বিতৰণ এপৰ উদ্দেশ্য হৈছে জনসাধাৰণক ঘৰতে বহি সুস্বাদু খাদ্যৰ যোগান ধৰা৷ শীঘ্ৰে দেশৰ কেইবাখনো চহৰত এই এপ উপলব্ধ হ’ব৷ অনিৰুদ্ধ কোটগিয়েৰ আৰু মন্দৰ লেণ্ডে 'ৱায়ু' এপটো প্ৰতিষ্ঠা কৰিছে।
'ৱায়ু' এপটোৱে হোটেল আৰু ৰেষ্টুৰেণ্টসমূহক কোনো কমিছন অবিহনে খাদ্য বিতৰণৰ অৰ্ডাৰ লগ কৰাত সহায় কৰিব। এই মুহূৰ্তত এই এপটোৰ সেৱা কেৱল মুম্বাইত আৰম্ভ কৰা হৈছে।মুম্বাইৰ বহুতো হোটেল আৰু ৰেষ্টুৰেণ্ট এপটোৰ সৈতে জড়িত কৰা হৈছে । ৱায়ুক মুম্বাইস্থিত ইণ্ডিয়ান হোটেল এণ্ড ৰেষ্টুৰেণ্ট এছ'চিয়েচনে পূৰ্ণ সমৰ্থন জনাইছে। এই এপটো মুম্বাই বিএমচি, মীৰা ভায়ান্দৰ, নৱী মুম্বাই, থানে, পুনে, পালঘৰ ঠাইৰ ৰেষ্টুৰেণ্টৰ সৈতে সংযোগ হৈ আছে৷
বৰ্তমান এপটোত ১৫০০ ৰো অধিক ৰেষ্টুৰেণ্ট পঞ্জীয়ন কৰা হৈছে আৰু ২৫,০০০ ৰো অধিক লোকে এপটো ডাউনলোড কৰিছে বুলি জানিব পৰা গৈছে।কোম্পানীটোৱে অন্যান্য মেট্ৰ' আৰু অ-মেট্ৰ' চহৰসমূহতো ইয়াৰ সেৱা সম্প্ৰসাৰিত কৰাৰ পৰিকল্পনা কৰিছে। সুনীল ছেট্টী হৈছে এই কোম্পানীৰ ব্ৰেণ্ড এম্বেচেডৰ। কেৱল সেয়াই নহয়, তেওঁলোক কোম্পানীটোৰ এগৰাকী বিনিয়োগকাৰীও।এপটোৱে বৰ্তমান সকলো আউটলেটৰ পৰা নিৰ্ধাৰিত মাচুল হিচাপে প্ৰতি মাহে ১,০০০ টকা আদায় কৰি আছে।
এই মাচুল পিছত ২,০০০ টকালৈ বৃদ্ধি কৰিব পাৰে বুলি জানিব পৰা গৈছে৷উল্লেখ্য সুনীল ছেট্টীয়ে ইতিমধ্যে বহু ষ্টাৰ্টআপত বিনিয়োগ কৰিছে। যোৱা বছৰৰ ফেব্ৰুৱাৰীমাহত অভিনেতাগৰাকীয়ে একুৱাটিন নামৰ এক ফিটনেছ ষ্টাৰ্টআপত বিনিয়োগ কৰিছিল। তেওঁ এই ষ্টাৰ্টআপৰ ব্ৰেণ্ড এম্বেচেডৰো।অভিনেতাজনে কয় যে তেওঁ ২০২৩ চনতে তেওঁ আৰু বহুতো ষ্টাৰ্টআপত বিনিয়োগ কৰিব।
Continue Reading
