ডিজিটেল ডেস্কঃ এগৰাকী চিকিৎসকে মদ্যপান কৰি চিকিৎসালয়ৰ ভিতৰত উলংগ হৈ ঘূৰি ফুৰাৰ অভিযোগ উঠিছে। শেহতীয়াকৈ এই ঘটনাই স্তম্ভিত কৰি তুলিছে মহাৰাষ্ট্ৰৰ এখন চৰকাৰী চিকিৎসালয়।
ৰাজ্যৰ ছাত্ৰপতি শম্ভজিনগৰ জিলাৰ এখন গ্ৰাম্য চিকিৎসালয়ত এই ঘটনা সংঘটিত হোৱা বুলি জানিব পৰা গৈছে। অভিযোগ উত্থাপন হৈছে যে পঞ্চল্লিশ বছৰীয়া চিকিৎসকজনে কাম কৰি থকা অৱস্থাত মদ্যপান কৰিছিল। ইমানেই মদ খাইছিল যে জ্ঞান হেৰুৱাই পেলাইছিল। সেই অৱস্থাতে ঘৰৰ পৰা উলংগ হৈ আহি চিকিৎসালয়ৰ ভিতৰত ঘূৰি ফুৰিবলৈ ধৰে।
চিকিৎসালয়খনৰ এজন কৰ্মচাৰীয়ে সেই অৱস্থাত চিকিৎসকজনক দেখে। কিন্তু তেতিয়ালৈকে এই খবৰটো সমগ্ৰ চিকিৎসালয়খনতে বিয়পি পৰিছিল। এই ঘটনাৰ পিছত ৰোগীজনৰ আত্মীয়ই চিকিৎসকজনৰ বিৰুদ্ধে আপত্তি কৰিব ধৰে। চিকিৎসকজনক শাস্তি প্ৰদানৰ দাবী জনাইছে। চিকিৎসকগৰাকীৰ ঘটনাক লৈ হুলস্থুল বাঢ়ি অহাৰ লগে লগে চিকিৎসালয় কৰ্তৃপক্ষই বিষয়টোৰ তদন্তৰ আশ্বাস দিয়ে।
জিলা স্বাস্থ্য বিষয়া তথা চিকিৎসক দয়ানন্দ মতিপাভলে কয় যে চিকিৎসালয়ৰ ভিতৰত চিকিৎসকগৰাকীয়ে উলংগ হৈ ঘূৰি ফুৰাৰ অভিযোগ উত্থাপন হৈছে। কৰ্তব্যৰত অৱস্থাত মদ্যপানৰ অভিযোগো উত্থাপন হৈছে। কিন্তু সঠিকভাৱে কি হৈছিল তদন্ত চলি আছে। যদি চিকিৎসকজনক দোষী সাব্যস্ত কৰা হয় তেন্তে তেওঁৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।
Continue Reading
