ডিজিটেল ডেস্কঃ মানুহৰ চকুৰ তলত পৰা ডাৰ্ক চাৰ্কলে মানুহৰ সৌন্দৰ্য হ্ৰাস কৰে। বহুতে বহু চেষ্টা কৰিও ডাৰ্ক চাৰ্কল দূৰ কৰিব নোৱাৰে। ডাৰ্ক চাৰ্কলে এজন মানুহৰ নিজৰ ওপৰত থকা আত্মবিশ্বাসো হ্ৰাস কৰে।
ডাৰ্ক চাৰ্কল দূৰ কৰিব পাৰে এলোভেৰাই। ইয়াৰ ঔষধি গুণৰ বিষয়ে আমি সকলোৱে জানো, ইয়াক ছালৰ বাবে উপকাৰী বুলি গণ্য কৰা হয়, যাৰ বাবে এলোভেৰা বহু সৌন্দৰ্য্য সামগ্ৰীত ব্যৱহাৰ কৰা হয়। ইয়াক ব্যৱহাৰ কৰি আমি কেনেকৈ ডাৰ্ক চাৰ্কল আঁতৰাব পাৰো জানো আহক।
১) ৰাতি মালিচ কৰাঃ ৰাতি শোৱাৰ আগতে চকুৰ চাৰিওফালে এলোভেৰা জেল লগালে ছালখন টান হৈ পৰে আৰু মুখৰ মিহি ৰেখাবোৰ কমিবলৈ আৰম্ভ কৰিব। ছালখন কোমল আৰু জিলিকি থকা দেখা যাব। ইচ্ছা কৰিলে মইশ্ব’ৰাইজাৰ হিচাপে ব্যৱহাৰ কৰিব পাৰি। নিয়মিতভাৱে এলোভেৰা ব্যৱহাৰ কৰিলে ছালৰ ক্ষতি নহয়।
২) ফেচ মাস্ক পিন্ধিবঃ ডাৰ্ক চাৰ্কল কম কৰিবলৈ এলোভেৰা জেলৰ সৈতে ফেচ মাস্ক প্ৰস্তুত কৰিব পাৰে। এলোভেৰাত প্ৰচুৰ পৰিমাণে ভিটামিন চি আৰু ভিটামিন ই থাকে, যাৰ ফলত ছালত কলাজেন উৎপাদনকাৰী কোষৰ সংখ্যা বৃদ্ধি পায়। এই মাস্ক প্ৰস্তুত কৰিবলৈ মৌ আৰু এলোভেৰা জেল মিহলাই গোলাপ জলো দিব পাৰে উন্নত ফলাফলৰ বাবে। ১৫ মিনিটমান মুখত লগাই শুকুৱাই থৈ শেষত কুহুমীয়া পানীৰে ধুব। নিয়মিতভাৱে এনে কৰিলে ডাৰ্ক চাৰ্কলবোৰ নাইকিয়া হৈ যাব।
Continue Reading
