ডিজিটেল ডেস্কঃ ভাৰতত বৃদ্ধি পাইছে ৰে’লত চুৰি কাণ্ডৰ ঘটনা। চোৰে বিভিন্ন কৌশল ব্যৱহাৰ কৰি যাত্ৰীক আক্ৰমণ কৰি তেওঁলোকৰ বহুমূলীয়া সামগ্ৰী চুৰি কৰে। শেহতীয়াকৈ এজন চোৰে এগৰাকী মহিলাৰ চেইন কাঢ়ি নিবলৈ চেষ্টা কৰা ভিডিঅ’ চিচিটিভি ফুটেজত পোহৰলৈ আহিছে।
এই ভিডিঅ'টোত চোৰে তৎক্ষণাত শাস্তি পাইছিল, যাক মানুহে বেয়া কামৰ তৎক্ষণাত শাস্তি লাভ কৰা বুলি অভিহিত কৰিছে। এই ভিডিঅ'টো ছচিয়েল মিডিয়াত যথেষ্ট ভাইৰেল হৈ পৰিছে।
এই ভিডিঅ'টো ছ'চিয়েল মিডিয়া প্লেটফৰ্ম এক্সত শ্বেয়াৰ কৰা হৈছে, য'ত লিখা আছে, "ৰে'লেৰে যাত্ৰা কৰাৰ সময়ত সাৱধান হওক।" ভিডিঅ’টোত দেখা গৈছে যে এজন লোক কেনেকৈ দুৱাৰৰ ওচৰত থিয় হৈ আছে। সেইসময়তে তেওঁ দেখা পায় দুগৰাকী বয়সস্থ মহিলাক। তাৰে এগৰাকী মহিলাৰ ডিঙিৰ চেইন টানিবলৈ চেষ্টা কৰে লোকজনে। এই কাণ্ডত মহিলাগৰাকীয়ে বহুত ভয় খায়। পাছে বেয়া কৰ্মৰ ফল তুৰন্তে লাভ কৰিলে লোকজনে। চেইনডাল টনাৰ চেষ্টা কৰি থাকোঁতে তেওঁ ভাৰসাম্য হেৰুৱাই চলন্ত ৰে'লৰ পৰা পৰি যায়।
চাওক ভিডিঅ’
তেওঁ ডবাৰ পৰা তললৈ পৰি যোৱা ঘটনা চিচিটিভিৰ ফুটেজত বন্দী হৈছে। এই ভিডিঅ’ ভাইৰেল হৈ পৰিছে ছ'চিয়েল মিডিয়াত। ভিডিঅ’টো চোৱাসকলে নিজৰ মতামত প্ৰদান কৰিছে। এজন ব্যৱহাৰকাৰীয়ে লিখিছে, "অপ্ৰত্যাশিত! এতিয়া আমি আৰু অধিক সাৱধান হ'ব লাগিব। জনা নাছিলো যে চলন্ত ৰে'লতো এনে কাণ্ড ঘটে।"
Continue Reading
