ডিজিটেল ডেস্কঃ মালবাহী ৰে’লত ষ্টাণ্ট কৰিছিল দুই যুৱকে। ভাইৰেল হ’ল ষ্টাণ্ট কৰা ভিডিঅ’। অৱশেষত আৰক্ষীয়ে গ্ৰেপ্তাৰ কৰিলে দুই যুৱকক। এই ঘটনা গ্ৰেটাৰ নয়ডাৰ। ভিডিঅ’টোত দেখা গৈছে দুজন যুৱকে মালবাহী ৰে’লত থিয় হৈ পেশী দেখুৱাই ষ্টাণ্ট কৰি আছিল। এই ভিডিঅ’ ওলোৱাৰ পাছতে আৰক্ষীয়ে তেওঁলোকক বিচাৰি অভিযান চলাই গ্ৰেপ্তাৰ কৰে।
হাই টেনচন লাইনটোও ৰে’লৰ ওপৰেৰে গৈ আছে যদিও যুৱককেইজনে নিজৰ জীৱনক গুৰুত্ব নিদিয়াকৈয়ে জীৱন বিপন্ন কৰি ষ্টাণ্ট কৰি আছিল। ৰিংকু (২২ বছৰ) আৰু প্ৰিন্স (১৯ বছৰ) নামৰ যুৱক দুজনক আৰক্ষী থানা জাৰ্চা আৰু আৰ পি এফে গ্ৰেপ্তাৰ কৰিছে। দুয়োজনেই গৌতম বুদ্ধৰ বাসিন্দা।
ভাইৰেল ভিডিঅ’টোত স্পষ্টকৈ দেখা গৈছে যে মালবাহী ৰে’লত দুজন যুৱকে ডবাবোৰৰ ওপৰত থিয় হৈ আছে আৰু হাই টেনচন লাইনটোও সেই ল’ৰা দুজনৰ ওপৰেৰে পাৰ হৈ গৈছে। ইয়াৰ পাছতো জীৱনৰ কথা চিন্তা নকৰাকৈয়ে যুৱক দুজনে ষ্টাণ্ট কৰি আছে। ৰেলত থিয় হৈ যুৱক দুজনে নিজৰ পেশী দেখুৱাইছে।
এই ভিডিঅ'টো ছচিয়েল মিডিয়া একাউণ্টত আপলোড কৰে যুৱক দুজনে। এই ভিডিঅ’টো ছ’চিয়েল মিডিয়াত ভাইৰেল হৈ পৰে। ভিডিঅ’ ভাইৰেল হোৱাৰ পিছত সমগ্ৰ ঘটনাৰ তদন্ত আৰম্ভ কৰে আৰক্ষীয়ে।
Continue Reading
