ডিজিটেল ডেস্কঃ ভাৰতীয় মহাকাশ গৱেষণা সংস্থা ইছৰোই সফলতাৰে চন্দ্ৰযান-৩ প্ৰেৰণ কৰাৰ পিছত আন এক সফল অভিযান চলাবলৈ সক্ষম হ’ল ইছৰো। চন্দ্ৰযান-৩ৰ সফল উৎক্ষেপণৰ পিছত ভাৰতীয় মহাকাশ গৱেষণা কেন্দ্ৰই ছিংগাপুৰৰ সাতটা উপগ্ৰহ উৎক্ষেপণ কৰিছে। দেওবাৰে পুৱা ৬.৩০ বজাত তামিলনাডুৰ শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা পিএছএলভি-চি৫৬ ৰ জড়িয়তে এই সাতটা উপগ্ৰহ উৎক্ষেপণ কৰা হয়।
ইছৰোই আজি মহাকাশলৈ প্ৰেৰণ কৰা ৰকেটটোৱে ৭ টা কৃত্ৰিম উপগ্ৰহ সফলতাৰে কঢ়িয়াই নিয়ে। এয়া ভাৰতীয় মহাকাশ গৱেষণা সংস্থা ইছৰোৰ ৪৩১ সংখ্যক বিদেশী উপগ্ৰহৰ উৎক্ষেপণ। এই উৎক্ষেপণৰ মুখ্য উপগ্ৰহ হৈছে ডিএছ-এছএআৰ। ইছৰোই মহাকাশলৈ প্ৰেৰণ কৰা উপগ্ৰহসমূহৰ ভিতৰত কেইবাটাও মাইক্ৰ' বা নেনো উপগ্ৰহও আছে।
উল্লেখ ইছৰোৱে ১৪ জুনত সফলতাৰে চন্দ্ৰযান-৩ উৎক্ষেপণ কৰিছিল। চন্দ্ৰযান-৩-এ এতিয়া সফলতাৰে মহাকাশত যাত্ৰা কৰি আছে আৰু আগষ্ট মাহৰ শেষৰ পিনে চন্দ্ৰত অৱতৰণ কৰিব পাৰিব বুলি আশা কৰা হৈছে।
উল্লেখ্য ইছৰোই পূৰ্বে চন্দ্ৰযান-২ সফলতাৰে উৎক্ষেপণ কৰিছিল। কিন্তু চন্দ্ৰত অৱতৰণৰ সময়তে যান খনৰ লেণ্ডাৰ 'বিক্ৰম' ভাগি পৰিছিল । কিন্তু এইবাৰ অঘটনৰ বিশেষ কোনো আশংকা নাই। ইছৰোই দাবী কৰিছে যে এইবাৰৰ চন্দ্ৰযানত অধিক উন্নত প্ৰযুক্তি ব্যৱহাৰ কৰা হৈছে। গতিকে যান খনে চন্দ্ৰৰ দক্ষিণ প্ৰান্তত সফলতাৰে অৱতৰণ কৰিবলৈ সক্ষম হ'ব বুলি আশা কৰা হৈছে।
Continue Reading
