ডিজিটেল ডেস্ক: দেশৰ হৈ প্ৰথমটো পদক নিশ্চিত কৰা তাৰকা বক্সাৰ অসম কন্যা লাভলীনা বৰগোহাঁয়ে গ্লাছগো কমনৱেলথ গেমছৰ বক্সিং ইভেণ্টত আজি ছেমি ফাইনেলত টুভালুৰ টাৰোনা টাফাকীৰ বিৰুদ্ধে অৱতীৰ্ণ হ'ব।
তেওঁ ইতিমধ্যে বাউট নেখেলাকৈয়ে পোনে পোনে ছেমি ফাইনেলত প্রৱেশ কৰি প্ৰথমটো পদক নিশ্চিত কৰি থৈছে। মেগা ক্রীড়া সমাৰোহখনৰ বক্সিং ইভেণ্টৰ মহিলাৰ মিডলৱেইট শাখাৰ শীৰ্ষ বাছনিৰ খেলুৱৈগৰাকীয়ে ৭৫ কিল'গ্রাম ওজন শাখাত কেৱল ৫গৰাকী খেলুৱৈয়ে প্রতিদ্বন্দ্বিতা কৰাৰ বাবে প্ৰথম ৰাউণ্ডত 'বাই' লাভ কৰে।
কমনৱেলথ গেমছৰ নিয়ম অনুসৰি ছেমি ফাইনেলত পৰাস্ত হোৱা উভয় খেলুৱৈকে ব্ৰঞ্জৰ পদক প্রদান কৰা হয়। ইয়াৰ ফলত প্রতিযোগিতাত এখনো খেল নেখেলাকৈয়ে লাভলীনাই বিনাযুদ্ধে কমেও এটা ব্ৰঞ্জৰ পদক নিজৰ নামত নিশ্চিত কৰে। আজিৰ ছেমি ফাইনেলখন স্কটলেণ্ডৰ গ্লাছগো চহৰৰ এছ ই চি চেণ্টাৰত অনুষ্ঠিত হ'ব।
উৎস: দৈনিক জনমভূমি
Continue Reading
