ডিজিটেল ডেস্কঃ দৰাঘৰৰ পৰা দিয়া গহনাৰ পৰিমাণ দেখি বিয়াত বহিবলৈ অমান্তি হ’ল কইনা। ফলত বিয়াখন চলি থকাৰ মাজতে ভংগ কৰা হ’ল।
উত্তৰ প্ৰদেশৰ কানপুৰৰ কাষৰ এখন গাঁৱত সংঘটিত হৈছে এই ঘটনা। মনপুৰ নামৰ গাওঁখনৰ এগৰাকী যুৱতীৰ এজন যুৱকৰে সৈতে বিয়া ঠিক হয়। সেই অনুসৰি বিবাহ অনুষ্ঠান চলি আছিল। সময়মতেই বিয়াৰ অনুষ্ঠানত দৰা পক্ষ উপস্থিত হ’ল। কিন্তু তাৰপাছতেই হুলস্থুল আৰম্ভ হ’ল।
বিবাহৰ প্ৰথা অনুসৰি, বিয়াৰ সময়ত কইনাক দৰা ঘৰৰ পৰা শাৰী, গহনা দিয়াৰ কথা। তাতেই লাগিল কেণা। গহনাৰ পৰিমাণ ইমানেই কম যে কইনাই দেখিয়েই হতভম্ব হৈ পৰে। বিয়াত নবহো বুলি স্পষ্ট কৰি দিলে।
আৰক্ষীৰ সূত্ৰৰ মতে, কেৱল কইনাজনীয়েই নহয়, কইনাক দিয়া গহনা দেখি ক্ষুব্ধ হৈ পৰা তেওঁৰ পৰিয়ালৰ সকলো সদস্যও। আনকি তেওঁলোকে দৰাৰ বিৰুদ্ধে এজাহাৰো দাখিল কৰিবলৈ আহিছিল। অৱশেষত দীঘলীয়া আলোচনাৰ অন্তত দুয়োপক্ষই বিবাহ ভাঙিবলৈ সন্মত হ’ল।
Continue Reading
