ডিজিটেল ডেস্কঃ ৫ দিনৰ বাবে মোবাইল ইণ্টাৰনেট/ডাটা সেৱা বন্ধ কৰা হৈছে মণিপুৰত। ৰাজ্যখনৰ চুৰাচান্দপুৰ জিলাত সংঘটিত হিংসাত্মক ঘটনাৰ পৰিপ্ৰেক্ষিতত ৰাজ্য চৰকাৰে এই সিদ্ধানে্ত লৈছে।
উল্লেখ্য যে মেইটেই/মিটেই সম্প্ৰদায়ক অনুসূচিত জনজাতি (এছটি) তালিকাত অন্তৰ্ভুক্ত কৰাৰ বিৰুদ্ধে এটছুমে (ATSUM) প্ৰতিবাদ সাব্যষ্ট কৰে। এক সমাৱেশৰ সময়তে হিংসাত্মক ঘটনা সংঘটিত হয়।
মণিপুৰৰ জনজাতীয় সংগঠনসমূহে মেইটেই/মিটেই জনগোষ্ঠীক এছ টি তালিকাত অন্তৰ্ভুক্ত কৰাৰ বিৰোধিতা কৰি এটা পদযাত্ৰাৰ আয়োজন কৰিছিল। সেই পদযাত্ৰা কালতে মণিপুৰৰ বুংমুৱালত বনবিভাগৰ বিট কাৰ্যালয় প্ৰতিবাদকাৰীয়ে জ্বলাই দিয়া বুলি খবৰ পোৱা গৈছে।
বুধবাৰ ৩ মে’ তাৰিখৰ এক চৰকাৰী নিৰ্দেশনাত কোৱা হৈছে যে শান্তি-শৃংখলা বিঘ্নিত কৰিব পৰা ঘটনা ৰোধ কৰিবলৈ মোবাইল ডাটা সেৱা স্থগিত ৰখাটো প্ৰয়োজনীয়। এই নিৰ্দেশনাত সকলো মোবাইল সেৱা প্ৰদানকাৰীক নিয়ম মানি চলাটো নিশ্চিত কৰিবলৈ কোৱা হৈছে। অহা পাঁচ দিনলৈ এই আদেশ বলবৎ থাকিব।
গৃহ বিভাগৰ নিৰ্দেশনাটোত লিখা হৈছে, “কিছুমান সমাজ বিৰোধী শক্তিয়ে জনসাধাৰণৰ আবেগক উচটনি দিয়া ছবি, ঘৃণামূলক ভাষণ আৰু ঘৃণামূলক ভিডিঅ’ বাৰ্তাৰ বিয়পোৱাৰ বাবে ছ’চিয়েল মিডিয়াক ব্যাপকভাৱে ব্যৱহাৰ কৰি আছে।’’
Continue Reading
