ডিজিটেল ডেস্কঃ দৰঙৰ দলগাঁও আৰক্ষী থানাৰ অন্তৰ্গত ৩ নং শিয়ালমাৰী গাঁৱত সংঘটিত হৈছে জঘন্য ঘটনা। বৰ দেউতাকৰ পৰিয়ালৰ লগত ঘৰ ভেটিক লৈ সঘনাই কাজিয়া পেচাল হৈ থকাত, দুই ভতিজা জিয়াৰুল হক আৰু জবিৰুল হকে নিজৰ চোতালত দিছিল টিন পাতেৰে জেউৰা । জেউৰাই কাল হ'ল দুই ভায়েকৰ।
বৰদেউতাক আফতাৰ আলীৰ পৰিয়ালৰ লোকে আগৰে পৰাই সু-সজ্জিত হৈ থকা কিছু লোকৰ সৈতে অৰ্তকিতে দা,কুঠাৰ, চোকা অস্ত্ৰৰে আক্ৰমণ কৰাত গুৰুতৰভাৱে দুই ভাই ককাই, মাতৃ আৰু বোৱাৰী আহত হয়।
জিয়াৰুলক মূৰত কুঠাৰেৰে আঘাত কৰাত সংকটজনক অৱস্থাত গুৱাহাটী জি এম চি এইচত ভৰ্তি কৰে আৰু জবিৰুল হক,মাতৃ, বোৱাৰী মঙলদৈ অসামৰিক চিকিৎসালয়ত চিকিৎসাধীন হৈ আছে, আনহাতে আফতাৰ আলীৰো মূৰত আঘাতপ্ৰাপ্ত হয়।
উক্ত ঘটনাৰ ভূক্তভোগীয়ে দলগাঁও আৰক্ষী থানাত আফতাৰ আলী , ৰফিকুল ইছলাম , মফিদুল ইছলাম , ছাইফুল ইছলাম , ময়দান আলীকে আদি কৰি ৯ গৰাকীৰ বিৰুদ্ধে এজাহাৰ দাখিল কৰিছে। দলগাঁও আৰক্ষীয়ে বৰ্তমানলৈ কোনো এজনকে আটক কৰা নাই।
Continue Reading
