ডিজিটেল ডেস্কঃ দাঁতৰ যত্ন লোৱাটো অতি প্ৰয়োজনীয় কথা৷ দাঁতে লোক এজনৰ সৈন্দৰ্য বৃদ্ধি কৰাৰ লগতে খাদ্য সহজে চোবাই খোৱাতো সহায় কৰে৷ আজিকালি বিভিন্ন কাৰণত মানুহৰ দাঁতত দাগ পৰিব পাৰে৷ কেতিয়াবা পানীৰ বাবেও দাঁতত দাগ পৰে৷ ডালিমগুটীয়া বগা দাঁত অক্ষুণ্ণ ৰাখিবলৈ আমি দুটা সহজ ঘৰুৱা উপায় অৱলম্বন কৰিব পাৰিম৷
বহুতৰে দাঁতত ক’লা অথবা হালধীয়া দাগ পৰাৰ এটা অন্যতম কাৰণ হৈছে প্ৰায়ে চোডা জাতীয় খাদ্য গ্ৰহণ কৰা।
আমি গৰমৰ দিনত দেহ শীতল কৰিবলৈ বজাৰত পোৱা নানান কোম্পানীৰ শীতল পানীয় পান কৰো।
এনে শীতল পানীয়ৰ নানান অপকাৰী দিশ থাকে। শীতল পানীয়ৰ প্ৰধান উপাদানেই হৈছে চোডা।
সেয়ে প্ৰায়ে শীতল পানীয় খালে দাঁতৰ এনামেলৰ ক্ষতি হোৱাৰ আশংকা থাকে আৰু দাঁত হালধীয়া হৈ পৰিব পাৰে।
উচ্চ ৰক্তচাপ,এজমা আদিৰ দৰৱ ব্যৱহাৰৰ বাবেও বহু সময়ত দাঁতত হালধীয়া দাগ পৰা দেখা যায়।
দাঁতৰ দাগ অতি সহজে ঘৰুৱা উপায়েৰে দূৰ কৰিব পৰা যায়।
ইয়াৰ বাবে আপুনি তেনেই সাধাৰণ দুটা ঘৰুৱা প্ৰাকৃতিক উপায় অৱলম্বন কৰিলেই হ’ল।
প্ৰথম উপায়টো হ’ল বজাৰৰ পৰা মেথি গুটি কিনি আনি সেয়া ভালদৰে গুড়ি কৰি লওঁক।
মেথি গুটিৰ গুড়িৰে নিতৌ পুৱা দাঁত ঘঁহিলে দাঁতৰ দাগ দূৰ হ’ব।
দ্বিতীয় উপায়টো হ’ব নাৰিকলৰ তেলৰ সৈতে নিমখ ভালদৰে মিহলাই এটা পেষ্ট তৈয়াৰ কৰক।
সেই পেষ্টেৰে দাঁত ঘঁহাৰ লগতে দাঁতৰ আলু মালিচ কৰক। এনে কৰিলে কম দিনৰ ভিতৰতে আপুনি সুফল লাভ কৰিব৷ দাঁতৰ সুৰক্ষাৰ বাবে সহায় ভিটামিনযুক্ত আহাৰ খাব লাগে৷ অতি গৰম অথবা অতি চেঁচা খাদ্য খোৱাৰ পৰা বিৰত থাকিব লাগে৷
Continue Reading
