ডেবিট বা ক্ৰেডিট কাৰ্ড ব্যৱহাৰকাৰীসকলৰ বাবে আহিল নতুন নিয়ম; কি আছে ইয়াত...

ডিজিটেল ডেস্কঃ ডেবিট বা ক্ৰেডিট কাৰ্ড ব্যৱহাৰকাৰীসকলৰ বাবে আছে এক দু-সংবাদ ৷ ভাৰতীয় ৰিজাৰ্ভ বেঙ্কে প্ৰতিটো ৰাজহুৱা আৰু ব্যক্তিগত বেংকৰ বাবে এটিএমৰ পৰা উলিওৱাৰ মাচুল বৃদ্ধি কৰাৰ সিদ্ধান্ত লৈছে। মাহিলী বিনামূলীয়া উলিওৱাৰ সীমা শেষ হোৱাৰ পিছত এই বৰ্ধিত মাচুল তেওঁলোকে পৰিশোধ কৰিব লাগিব। আৰ.বি.আই.- জাৰি কৰা অধিসূচনা অনুসৰি, গ্ৰাহকসকলে বিনামূলীয়া টকা উলিওৱা সীমা পাৰ কৰাৰ পাছত এতিয়াৰ পৰা পূৰ্বতকৈ এটকা অধিক পৰিশোধ কৰিব লাগিব।

গ্ৰাহকসকলে ইতিমধ্যে তেওঁলোকৰ নিৰ্দিষ্ট বেংকৰ পৰা এছএমএছৰ জৰিয়তে এই জাননী প্ৰেৰণ কৰা হৈছে। নতুন এই প্ৰণালীত, গ্ৰাহকসকলে বিনামূলীয়া সীমা অতিক্ৰম কৰাৰ পিছত প্ৰতিবাৰ টকা উলিয়ালে ২০ টকাৰ পৰিৱৰ্তে ২১ টকা পৰিশোধ কৰিব লাগিব। আৰবিআইৰ তথ্য অনুসৰি ২০১৪ চনৰ আগষ্টৰ পিছপ পৰা এই মূল্য বৃদ্ধি কৰা হোৱা নাই। উচ্চ বিনিময় মাচুল আৰু মূল্যৰ সাধাৰণ গণনাৰ ক্ষেত্ৰত বেংকসমূহক সহায় কৰিবলৈ এই বৃদ্ধিৰ সিদ্ধান্ত গ্ৰহণ কৰিছে৷

গ্ৰাহকসকলে তেওঁলোকৰ বেংকৰ প্ৰথম পাঁচটা লেনদেনৰ পিছত এই ধন পৰিশোধ কৰিব লাগিব। গ্ৰাহকসকলে মেট্ৰ' চহৰত প্ৰতি মাহে তিনিবাৰ কৈ আৰু আন চহৰত পাঁচবাৰ কৈ আন বেংকৰ এটিএমৰ পৰা বিনামূলীয়াকৈ ধন উলিয়াব পাৰে। এই নতুন নিয়মটো ধন পুনৰ্ব্যৱহাৰকাৰী যন্ত্ৰৰ ক্ষেত্ৰতো প্ৰযোজ্য হ'ব। আৰবিআইয়ে এই নতুন নিয়মটো প্ৰস্তুত কৰিবলৈ ২০১৯ চনৰ আগষ্টতে এখন সমিতি গঠন কৰিছিল। এই সমিতিৰ সিদ্ধান্ত ভিত্তিত মাচুল বৃদ্ধিৰ সিদ্ধান্ত গ্ৰহণ কৰা হৈছে৷