ডিজিটেল ডেস্কঃ এটা বিশেষ মাছে এতিয়া কৌতূহলৰ সৃষ্টি কৰিছে সমগ্ৰ পশ্চিমবংগতে। দীঘাৰ উপকূললৈ অনা মাছটোৰ মুখখন দেখিবলৈ এখন কাঠ কটা কৰতৰ দৰে। ৫০০ কিলোগ্ৰাম ওজনৰ মাছটোকলৈ সেয়ে কৌতূহলৰ সৃষ্টি হৈছে।
এক কথাত ক’বলৈ গ’লে দেখিবলৈ মাছৰ দৰে হ’লেও এয়া যেন মাছ নহয়, কোনো দৈত্যহে! দেওবাৰে পুৱা বহুলোকে দীঘাৰ উপকূলত মাছটো চাবলৈ হেতাওপৰা লগায়। মাছমৰীয়াসকলে কৈছে যে মাছটোৰ ওজন প্ৰায় ৫৫০ কিলোগ্ৰাম।
মাছটো হাঙৰৰ দৰেও দেখাত। স্থানীয় ভাষাত মাছটোৰ নাম হৈছে 'চিৰুণী ফালা মাছ'। দেওবাৰে, দীঘাত মাছৰ বেষ্টনীত এই মাছটো দেখি ব্যৱসায়ীসকলৰ মাজতো কৌতূহল হৈছিল। মাছ ব্যৱসায়ী অৰূপ কুমাৰ ভালে কয়, "এই মাছ সহজে জালত নপৰে। এই মাছ বংগোপসাগৰত অতি গভীৰ অংশত পোৱা যায়।"
দীঘাৰ মাছ ব্যৱসায়ীসকলৰ মতে, এই মাছটোৰ মুখত থকা ফনীখনৰ ওপৰত নিৰ্ভৰ কৰিয়েই ইয়াৰ দাম কম-বেছি হয়। ফনী খন যিমানে ডাঙৰ হয় মাছটোৰ মূল্যও সিমানে বেছি হয়। এই ফনী খন জীৱন ৰক্ষাকাৰী ঔষধ তৈয়াৰ কৰিবলৈ ব্যৱহাৰ কৰা হয় বুলি তেওঁলোকে কয়।
দৰাচলতে মাছটো হেনো ওৰিশাৰ সাগৰতহে ধৰা পৰিছিল। তাৰ পিছত মাছটো বিক্ৰীৰ বাবেহে দীঘালৈ অনা হয়। মাছমৰীয়াসকলে কৈছে যে মাছটো কেইবা হাজাৰ টকাত বিক্ৰী কৰিব পৰা যাব।
Continue Reading
