ডিজিটেল ডেস্ক: ফাগুনৰ উন্মনা উতনুৱা সময়তে অসমৰ যুৱসমাজৰ মাজত ৰহস্য আৰু উৎকণ্ঠা৷ ফাগুনৰ ৰিঙা ৰিঙা অনুভৱৰ মাজতেই জনপ্ৰিয় সংগীতশিল্পী দীপলিনা ডেকাই সামাজিক মাধ্যমত শ্বেয়াৰ কৰা এখন ফটোক লৈ আজি সন্ধিয়া সৃষ্টি হ’ল ৰহস্যৰ৷ 
প্ৰেমময় ফাগুনৰ সন্ধিয়া দীপলিনা ডেকাই পোষ্ট কৰিলে এখন বিশেষ ফটো৷ দুখন হাতৰ ছবি আপলোড কৰিলে সংগীতশিল্পীগৰাকীয়ে৷ এখন পুৰুষৰ আনখন এগৰাকী নাৰীৰ হাত৷ আৰু দীপলিনাই লিখিছে- ‘তোমাৰ হাতত হাত ধৰি আগুৱাম৷ #ভালপোৱাএটিনাম৷’
তাৰ পাছতেই সৃষ্টি হ’ল ৰহস্যৰ৷ একাংশ যুৱক-যুৱতীয়ে আৰম্ভ কৰিলে চৰ্চাৰ৷ উত্থাপন হ’ল প্ৰশ্ন৷ কাৰ হাত সেয়া? স্বাভাৱিকতে নাৰীৰ হাতখন দীপলিনা ডেকাৰ বুলিয়েই ধাৰণা কৰিয়েই বিপৰীত হাতখনৰ সম্ভাৱ্যগৰাকীক লৈ আৰম্ভ কৰিলে নিজাববীয়া অনুসন্ধান আৰু চৰ্চা৷
অৱশ্যে সেয়া দীপলিনা ডেকাই নিজৰ ব্যক্তিগত জীৱনৰ কথা নকৈ আহিবলগীয়া গান এটাৰহে প্ৰচাৰ কৰিলে৷ কিন্তু, আকস্মিকভাৱে দিয়া ফটোখনক লৈ চলি থাকিল চৰ্চা৷ আৰু যুৱসমাজৰ মাজত অধিক ঘনীভূত হৈ গৈ থাকিল ৰহস্যৰ৷
Continue Reading
