ডিজিটেল ডেস্কঃ ডিঙিৰ চুলি, গালৰ দাড়ি, ক’লা চাৰ্ট — এজন যুৱকৰ সৈতে পোজ দিছে অভিনেতা হৃতিক ৰোশনে। সামাজিক মাধ্যমত ভাইৰেল হৈ পৰা এই ফটোখনে মানুহৰ মনত কৌতূহলৰ সৃষ্টি কৰে। তাৰ কাৰণ হৈছে যুৱকজন দেখাত ঠিক মৃত অভিনেতা সুশান্ত সিং ৰাজপুতৰ দৰে একে।
প্ৰকৃততে ‘বিক্ৰম বেদা’ চিনেমাত হৃতিকৰ ষ্টাণ্টমেন আছিল মনছুৰ আলী খান। মনছুৰক দেখিবলৈ ফটোখনত সুশান্তৰ দৰে লাগিছে। মনছুৰক দেখি দৰ্শকৰ এটাই মন্তব্য আছিল, "এইজন সুশান্তৰ যমজ ভাতৃ।" উল্লেখ্য যে 'কেদাৰনাথ' ছবিখনৰ সুশান্তৰ চৰিত্ৰটোৰ নাম আছিল 'মনছুৰ'।
কিছু মাহৰ আগতে মনছুৰে এই ফটোখন পোষ্ট কৰি ৰিতিকক জন্মদিনৰ শুভেচ্ছা জনাইছিল। তেতিয়াৰ পৰা এই ছবিখন ভাইৰেল হৈ পৰিছে।
২০২০ চনত সুশান্তৰ অকাল মৃত্যুক কোনেও পাহৰিব পৰা নাই। তেওঁৰ মৃত্যুক লৈ বহু বিতৰ্কৰ সৃষ্টি হৈছিল। প্ৰায় তিনি বছৰ হ'ল। কিন্তু সুশান্তৰ স্মৃতি এতিয়াও তেওঁৰ অনুৰাগীৰ মনত সতেজ হৈ আছে। গতিকে, তেওঁৰ অনুৰাগীসকলে বাৰে বাৰে নায়কৰ স্মৃতিত ডুব যায়।
হৃতিকৰ সৈতে ষ্টাণ্টমেনজনৰ ছবিখন দেখাৰ পিছত এজন ব্যক্তিয়ে মন্তব্য কৰে যে, "ক্ষন্তেক সময়ৰ বাবে এনে লাগিছিল যেন সুশান্তই হৃতিকৰ লগত থিয় হৈ আছে।"
Continue Reading
