ডিজিটেল ডেস্কঃ ভাৰতক এখন হিন্দু ৰাষ্ট্ৰ হিচাবে ঘোষণা কৰিবলৈ বিভিন্ন পক্ষই দাবী উত্থাপন কৰি অহাৰ সময়তে কেন্দ্ৰত শানাধিষ্ঠিত বিজেপি দলৰ এগৰাকী সাধাৰণ সম্পাদক কৈলাশ বিজয়বৰ্গীয়ে এক বিশেষ মন্তব্য কৰিছে। দেশ বিভাজনৰ পিছৰে পৰাই ভাৰত এখন 'হিন্দু ৰাষ্ট্ৰ' হৈ পৰিছে ।
দেশ বিভাজনৰ সময়তে দেশখন ধৰ্মৰ আধাৰত বিভক্ত হৈ পৰা বুলি তেওঁ মন্তব্য কৰে। বিজেপিৰ সাধাৰণ সম্পাদক কৈলাশ বিজয়বৰ্গীয়ে মধ্য প্ৰদেশত এখন সংবাদমেলত এই মন্তব্য কৰে। নেতাগৰাকীয়ে কয় যে বিভাজনৰ বিষয়টো তেতিয়া আহিছিল যেতিয়া মানুহৰ এটা অংশই ভাৰতক হিন্দু ৰাষ্ট্ৰ হিচাপে ঘোষণা কৰিবলৈ দাবী জনাইছিল। বিজয়বৰ্গীয়ে কয় "যেতিয়া ভাৰত বিভাজন হৈছিল, ই ধৰ্মৰ আধাৰত হৈছিল। বিভাজনৰ পিছত পাকিস্তান নামৰ এখন নতুন ৰাষ্ট্ৰ সৃষ্টি কৰা হৈছিল। দেশৰ বাকী অংশ হিন্দু ৰাষ্ট্ৰত পৰিণত হৈছিল। ''
তেওঁ কয় যে ভূপালত তেওঁৰ এজন মুছলমান বন্ধু আছে। তেওঁ প্ৰতিদিনে হনুমান চালিচা পাঠ কৰে। তেওঁ নিয়মীয়াকৈ শিৱ মন্দিৰো দৰ্শন কৰে। কাৰণ তেওঁ বিশ্বাস কৰে যে তেওঁৰ পূৰ্বপুৰুষসকল এসময়ত হিন্দু আছিল। তেওঁ কয় "মই মোৰ মুছলমান বন্ধুজনক সুধিছিলো যে তেওঁ হনুমান আৰু শিৱক কিয় উপাসনা কৰে। তেওঁ উত্তৰ দিছিল যে তেওঁৰ পাৰিবাৰিক ইতিহাসৰ জৰিয়তে তেওঁ জানিব পাৰিছে যে তেওঁৰ পূৰ্বপুৰুষসকল ৰাজস্থানৰ ৰাজপুত আছিল। তেওঁৰ কিছুমান ৰাজপুত আত্মীয়ই এতিয়াও উত্তৰ প্ৰদেশত বাস কৰে। ''
কৈলাশে লগতে কয় যে হনুমান চালিছাই দেশৰ যুৱক-যুৱতীসকলক পথভ্ৰষ্ট হোৱাৰ পৰা ৰক্ষা কৰিব পাৰে। সেয়েহে তেওঁ 'হনুমান চালিচা ক্লাব' গঠন কৰাৰ কথা ভাবি আছে। এই সংগঠনটোৱে ড্ৰাগছৰ প্ৰতি আসক্ত যুৱকসকলক আসক্তিৰ পৰা আঁতৰাই স্বাস্থ্যৱান জীৱনলৈ অনাৰ চেষ্টা কৰিব।
Continue Reading
