ডিজিটেল ডেস্কঃ মুহূৰ্ততে দেউলীয়া হ’ল উছেইন ব’ল্ট! নিজৰ বেংক একাউণ্ডৰ পৰা প্ৰায় ১০০ কোটি টকা হেৰুৱালে জামাইকান দৌৰবিদ তথা পৃথিৱীৰ দ্ৰুততম ব্যক্কিজনে। ভৱিষ্যতৰ সঞ্চয় হিচাপে ৰখা প্ৰায় সকলো ধন হেৰুৱাইছে তেওঁ। তেওঁৰ আইনী উপদেষ্টা লিন্টন গৰ্ডনে এইদৰে জনাইছে।
গৰ্ডনে কৈছে যে অৱসৰৰ পিছত জামাইকান দৌৰবিদজনে তেওঁৰ সকলো সঞ্চয় বেংক একাউণ্টত ৰাখিছিল। এটা শ্বেয়াৰ বজাৰ কোম্পানী সেই একাউণ্টৰ সৈতে জড়িত আছিল। গৰ্ডনে কয়- "যিকোনো ব্যক্তিয়ে এনে খবৰ পালে তেওঁ ভাঙি পৰিব। ব’ল্টৰ ক্ষেত্ৰতো একেই হৈছে।’’
তেওঁ এই একাউণ্টটো ভৱিষ্যতৰ সঞ্চয় হিচাপে ৰাখিছিল। বোল্টৰ একাউণ্টত ১২ নিযুত ডলাক আছিল। যিটো ভাৰতীয় মুদ্ৰাত ৯৭ কোটি ১৭ লাখ ১৫ হাজাৰ টকা।
জামাইকাৰ বিত্তীয় সেৱা আয়োগে ঘটনাটোৰ তদন্তৰ নিৰ্দেশ দিছে। বিত্ত মন্ত্ৰী নাইজেল ক্লাৰ্কে কৈছিল: "গোটেই বিষয়টো লক্ষ্য কৰা হ'ব। সকলো সত্য ওলাই আহিব। একাউণ্টৰ পৰা টকা কেনেকৈ চুৰি হৈছিল সেয়া দেখা যাব। এই চুৰিৰ পৰা কোনে লাভান্বিত হৈছিল সেয়া গম পোৱা যাব। আমি চাব লাগিব কোনে এইটো কৰিছিল।’’
উল্লেখ্য যে ১০ জানুৱাৰীত তেওঁৰ একাউণ্টৰ সৈতে সংযুক্ত শ্বেয়াৰ বজাৰ সংস্থাৰ দ্বাৰা ব’ল্টক সতৰ্ক কৰি দিয়া হৈছিল। ইয়াৰ পিছত দেখা যায় যে ব’ল্টৰ একাউণ্টৰ পৰা ৯৭ কোটি ১৭ লাখ ১৫ হাজাৰ টকা নাই।
উল্লেখ্য যে ৩৬ বছৰীয়া ব’ল্ট এতিয়াও বিশ্বৰ দ্ৰুততম ব্যক্তি। তেওঁ অলিম্পিকত নটা সোণৰ পদক জিকিছে। তেওঁ ১১ বাৰ বিশ্ব চেম্পিয়ন হৈছে। তেওঁক বহুতে সৰ্বকালৰ সৰ্বশ্ৰেষ্ঠ দৌৰবিদ বুলি গণ্য কৰে।
Continue Reading
