'দেউতা মোক ক্ষমা কৰিবা'- পৰীক্ষাত যথাসময়ত উপস্থিত হ’ব নোৱাৰাৰ শোকত আত্মহনন শিক্ষাৰ্থীৰ

ডিজিটেল ডেস্কঃ তেলেংগানাৰ আদিলাবাদ জিলাত আত্মহনন কৰিছে এগৰাকী দ্বাদশ শ্ৰেণীৰ ছাত্ৰই।মৃত ছাত্ৰজনে এৰি থৈ যোৱা ছুইচাইড নোটত উল্লেখ কৰিছিল যে ছাত্ৰজন দেৰিকৈ  পৰীক্ষাগৃহত উপস্থিত হোৱাৰ বাবে পৰীক্ষাত অৱতীৰ্ণ হ’ব পৰা নাছিল৷যাৰ বাবে ছাত্ৰজন বিচলিত হৈ পৰিছিল৷

আজি বিয়লি সতনালা মথাউৰিৰ পৰা টেকুম শিৱ কুমাৰৰ মৃতদেহ উদ্ধাৰ কৰা হয়। মৃতদেহৰ ওচৰত এখন ছুইচাইড নোট পোৱা গৈছিল। নোটখনৰ সৈতে ঘড়ী, মানিবেগ আৰু অন্যান্য সামগ্ৰী উদ্ধাৰ কৰা হৈছে। মানিবেগত দুখন ফটো আছিল - য’ত তেওঁৰ আৰু দেউতাকৰ ফটো আছিল।

তেলেগু ভাষাৰ টোকাটোত লিখা আছিল, "মই দুঃখিত দেউতা, মোক ক্ষমা কৰিব। মই এই আঘাতৰ সৈতে মোকাবিলা কৰিব পৰা নাই। আপুনি মোৰ বাবে বহুত কাম কৰিলে, কিন্তু মই আপোনাৰ বাবে একো কৰিব পৰা নোৱাৰিলে। মই কেতিয়াও পূৰ্বে এনেকুৱা অনুভৱ কৰা নাই।" 

উল্লেখ্য যে,তেলেংগানা ৰাজ্যিক শিক্ষা ব’ৰ্ডৰ প্ৰায় ১০ লাখ ছাত্ৰ-ছাত্ৰীয়ে কালি আৰম্ভ হোৱা ইণ্টাৰমিডিয়েট পৰীক্ষা দি আছে। ৰাজ্যিক ব’ৰ্ডে নিৰ্ধাৰণ কৰা পৰীক্ষাৰ নিয়মসমূহৰ ভিতৰত এটা কঠোৰ বিধান আছে যিটো আদালততো প্ৰত্যাহ্বান জনোৱা হৈছে। এই নিয়মত কোৱা হৈছে যে এজন ছাত্ৰই পৰীক্ষা কেন্দ্ৰত এক মিনিট দেৰি হ’লেও পৰীক্ষা দিবলৈ দিয়া নহ’ব। 

আত্মহনন কৰা শিৱ কুমাৰ অৱশ্যে পৰীক্ষা কেন্দ্ৰত উপস্থিত নহ’ল বুলি এগৰাকী জ্যেষ্ঠ বিষয়াই জানিবলৈ দিয়ে।তেলেংগানা ষ্টেট ব’ৰ্ড অৱ ইণ্টাৰমিডিয়েট পৰীক্ষাৰ উপাধ্যক্ষ বুৰা ভেংকটেশ্বমে কয় যে পৰীক্ষা কেন্দ্ৰৰ চিচিটিভি ফুটেজত পুৱা ৯ বজাৰ পৰা আৰম্ভ হোৱাৰ পাঁচ মিনিটৰ পাছত ছাত্ৰজনক দেখা পোৱা নাযায়। লগতে শিৱ কুমাৰে কয় যে জিলা শিক্ষা কাৰ্যালয় আৰু আৰক্ষীৰ পৰা পোৱা প্ৰতিবেদনে এই কথা নিশ্চিত কৰিছে।