ডিজিটেল ডেস্ক: ৰাম মন্দিৰৰ প্ৰাণ প্ৰতিষ্ঠাৰ দিনটোতে উত্তৰ প্ৰদেশৰ আগ্ৰা জিলাৰ তাজগঞ্জৰ এটা মোগলযুগীয় মছজিদৰ ওপৰত গেৰুৱা পতাকা উত্তোলন কৰাৰ অভিযোগত এঘাৰজন লোকক গ্ৰেপ্তাৰ কৰা হৈছে৷
প্ৰধানমন্ত্ৰী মোদীয়ে অযোধ্যাৰ ৰাম মন্দিৰৰ অভিষেক অনুষ্ঠান সম্পূৰ্ণ কৰাৰ পাছতে সোঁপন্থী কৰ্মীসকলে উলিওৱা এটা শোভাযাত্ৰাৰ সময়তে এই ঘটনা সংঘটিত হৈছিল৷ যাৰ ফলত স্থানীয় লোকসকলৰ মাজত সৃষ্টি হৈছিল উত্তেজনাৰ৷
তাজগঞ্জ ষ্টেচন হাউচ অফিচাৰ জছবীৰ সিঙে কয়, মঙলবাৰে ১১জন লোকক ভাৰতীয় দণ্ডবিধিৰ ১৪৭, ১৪৮, ৫০৫ (বি), ৫০৫ (চি) ধাৰাৰ অধীনত গ্ৰেপ্তাৰ কৰা হৈছে। আমি তেওঁলোকক আদালতলৈ প্ৰেৰণ কৰিছোঁ আৰু গোচৰটোৰ তদন্ত চলি আছে৷
উল্লেখযোগ্য যে অযোধ্যাৰ ৰাম মন্দিৰৰ উদ্বোধনৰ সোমবাৰে সন্ধিয়া উলিওৱা এক শোভাযাত্ৰাৰ অংশ হৈ থকা অভিযুক্তজনে শ্বাহি মছজিদত উঠি গেৰুৱা পতাকা উত্তোলন কৰি আৰু ধৰ্মীয় শ্ল’গান দিয়ে। ঘটনাটোৰ ঠিক পাছতে মুছলমান সম্প্ৰদায়ৰ স্থানীয় যুৱক-যুৱতীসকলে ঘটনাস্থলীত একত্ৰিত হৈছিল আৰু অঞ্চলটোত সাম্প্ৰদায়িক উত্তেজনা সৃষ্টি কৰা কাৰ্যত তেওঁলোকৰ অসন্তুষ্টি প্ৰকাশ কৰিছিল। তেওঁলোকৰ প্ৰতিবাদৰ মাজতে আৰক্ষীৰ দল ঘটনাস্থলীত উপস্থিত হয় আৰু প্ৰতিবাদকাৰীসকলক আশ্বাস দিয়ে যে অভিযুক্তৰ বিৰুদ্ধে ব্যৱস্থা লোৱা হ’ব। আৰু পৰৱৰ্তী সময়ত মছজিদৰ তত্ত্বাৱধায়কৰ অভিযোগৰ ভিত্তিত এখন এজাহাৰ পঞ্জীয়ন কৰা হৈছিল।
Continue Reading
