ডিজিটেল ডেস্কঃ বিশ্ব ধঁপাত নিষিদ্ধ দিৱসত তেওঁৰ এটা পোষ্ট। সেইটোৱে ছ’চিয়েল মিডিয়াত বিতৰ্কৰ সৃষ্টি কৰিছিল। শচীন তেণ্ডুলকাৰৰ এটা পোষ্ট দেখাৰ পিছত বহুতে ভাবে যে তেওঁ এককভাৱে প্ৰাক্তন ক্ৰিকেটাৰ সুনীল গাওস্কাৰ, কপিল দেৱ, বীৰেন্দ্ৰ ছেহৱাগক খোঁচা মাৰিছে৷
ছচিয়েল মিডিয়াত শচীনে লিখিছে, ‘আন্তঃৰাষ্ট্ৰীয় ক্ৰিকেট কেৰিয়াৰ আৰম্ভ কৰাৰ সময়ত দেউতাই মোক এটা সৰু, কিন্তু অতি গুৰুত্বপূৰ্ণ পৰামৰ্শ দিছিল। ধঁপাতজাতীয় সামগ্ৰীৰ প্ৰচাৰ কেতিয়াও নকৰিবা। আজিলৈকে অনুসৰণ কৰি আহিছো। আপুনিও তেনেকুৱা কৰিব পাৰে। উজ্জ্বল ভৱিষ্যতৰ বাবে ধঁপাততকৈ ভাল স্বাস্থ্য বাছি লওক।”
শচীনে কাৰো নাম লিখা নাই৷ কিন্তু বিশ্বকাপ আৰু আই পি এলৰ সময়ত গাওস্কাৰ, কপিল, ছেহৱাগ আৰু ক্ৰীছ গেইলে এটা কোম্পানীৰ ধঁপাতজাতীয় সামগ্ৰীৰ প্ৰচাৰ কৰিছিল। বাৰে বাৰে টিভিত প্ৰদৰ্শিত হৈছে। গাওস্কাৰ, কপিলৰ দৰে ক্ৰিকেটাৰে এই কাম কেনেকৈ কৰিব পাৰে বুলি ভাবি বহুতে আচৰিত হৈছিল। বুজা গৈছে যে শচীনও ইয়াক লৈ সুখী নহয়।
Continue Reading
