ধনতেৰছত পূজা কৰাৰ কেইটামান বিশেষ উপায়, যাৰ ফলত মুকলি হ’ব আপোনাৰ ভাগ্যৰ দুৱাৰ, জানো আহক

ডিজিটেল ডেস্ক : হিন্দুধৰ্মত কাতি মাহৰ কৃষ্ণ পক্ষৰ ত্ৰয়োদশী দিনা উদযাপন কৰা হয় ধনতেৰছ। ধনতেৰছৰ দিনা ধনৰ দেৱতা, দেৱী লক্ষ্মী আৰু ভগৱান ধনৱন্তৰী দেৱী কুবেৰৰ পূজাৰ অতি গুৰুত্ব আছে। জনবিশ্বাস অনুসৰি ধনতেৰছৰ দিনা সাগৰ মন্থনৰ সময়ত ভগৱান ধনৱন্তীয়ে হাতত অমৃতৰ কলহ লৈ আৱিৰ্ভাৱ হৈছিল বুলি কোৱা হয়। সেয়েহে এই সময়ছোৱাত নতুন বস্তু ক্ৰয়ৰ বাবে পৱিত্ৰ উৎসৱৰ লগতে অতি শুভদিন বুলি গণ্য কৰা হয়। এই কাৰণেই বছৰটোৰ ভিতৰতে এই পৱিত্ৰ উৎসৱৰ বাবে অপেক্ষা কৰি সোণ-ৰূপ, গহনা, বাচন-বৰ্তন আৰু নতুন বাহন আদি ক্ৰয় কৰা নিয়ম আছে। ধনতেৰছৰ পূজা সম্পৰ্কীয় কিছু কথা জানো আহক।

 ১. ধনতেৰছৰ দিনা সুখ-সমৃদ্ধি কামনাৰ অৰ্থে বিশেষকৈ ভগৱান গণেশ, মালক্ষ্মী, ভগৱান ধনৱন্তৰী, ভগৱান কুবেৰ আৰু মৃত্যুৰ দেৱতা যমৰাজক পূজা কৰা হয়। ধনতেৰছৰ দিনা যমৰ বিশেষ পূজা কৰিলে অকাল মৃত্যুৰ ভয় দূৰ হয় বুলি বিশ্বাস কৰা হয়।

 ২. চাকিৰ পঞ্চ মহাপৰ্ব শুভৰম্ভ কৰা ধনতেৰছত চাকি দানৰ বিশেষ গুৰুত্ব আছে। ধনতেৰছত চাকি জ্বলালে ব্যক্তিৰ জীৱনৰ লগত জড়িত সকলো দুখ-কষ্ট দূৰ হয় বুলি বিশ্বাস কৰা হয়। মনোবাঞ্ছা পূৰণ আৰু সুখ-সমৃদ্ধিৰ বাবে এইদিনটোত ঘৰত ১৩টা চাকি জ্বলোৱা পৰম্পৰা আছে।

 ৩. ধনতেৰছত ধনৰ দেৱতা ভগৱান কুবেৰৰ পূজা-অৰ্চনা কৰাটো অতি শুভ। ধনতেৰছৰ দিনা কুবেৰ যন্ত্রক বিশেষভাৱে পূজা কৰি ধনৰ অভাৱ দূৰ কৰি আৰ্থিক স্থিতি মজবুত হয় বুলি বিশ্বাস কৰা হয়। দীপাৱলীৰ দিনা পূজিত কুবেৰ যন্ত্ৰ আপোনাৰ ঘৰৰ পূজা স্থানত ৰাখিলে ধন অভাৱ দূৰ হয় বুলি কোৱা হয়।

 ৪. ধনতেৰছৰ দিনা মালক্ষ্মীৰ সৈতে দক্ষিণাৱৰ্তী শংখ পূজাৰো বিশেষ গুৰুত্ব আছে। শংখ মালক্ষ্মীৰ এক ৰূপ বুলি গণ্য কৰা হয়। দক্ষিণাৱৰ্তী শংখক পূজা কৰিলে জীৱনত কেতিয়াও ধনৰ অভাৱ নহয় বুলি বিশ্বাস কৰা হয়।