ডিজিটেল ডেস্কঃ মহেন্দ্ৰ সিং ধোনীয়ে অনুমতি অবিহনে এজন ব্যৱসায়ীয়ে ধোনীৰ প্ৰতিচ্ছবি আৰু নাম ব্যৱসায়ৰ বাবে ব্যৱহাৰ কৰাৰ অভিযোগ উত্থাপন কৰিছিল। সেই অভিযোগৰ ভিত্তিত ব্যৱসায়ী মিহিৰ দিৱাকাৰক গ্ৰেপ্তাৰ কৰা হয়। মঙলবাৰে জয়পুৰ আৰক্ষীয়ে তেওঁক প্ৰতাৰণা কৰাৰ অভিযোগত গ্ৰেপ্তাৰ কৰে। তেওঁৰ বিৰুদ্ধে ভাৰতীয় দণ্ডবিধিৰ ৪০৬, ৪২০, ৪৬৭, ৪৭১ ধাৰাত অভিযোগ উত্থাপন হৈছে।
বিগত সময়ত ধোনীয়ে দিৱাকাৰৰ কোম্পানী আৰ্কা স্প’ৰ্টছ মেনেজমেণ্টৰ বিৰুদ্ধে ৰাঁচী জিলা আদালতত এজাহাৰ দাখিল কৰিছিল। তেওঁৰ অভিযোগ আছিল যে ২০২১ চনত সেই সংস্থাটোৰ সৈতে তেওঁৰ সম্পৰ্ক বিচ্ছিন্ন হৈ পৰিছিল। তাৰ পাছতো দিৱাকাৰ আৰু তেওঁৰ পত্নী সৌম্য দাসে ধোনীৰ নাম আৰু ভাবমূর্তি ব্যৱহাৰ কৰি এখন ক্ৰীড়া একাডেমী চলাই মুনাফা অৰ্জন কৰিছে।
শেহতীয়াকৈ জয়পুৰত এখন একাডেমী মুকলি কৰিছে দিৱাকাৰে। ভাৰত আৰু বিদেশৰ বিভিন্ন চহৰত তেওঁৰ একাডেমী আছে। প্ৰায় সকলো ঠাইতে ধোনিৰ নাম ব্যৱহাৰ কৰি তেওঁ ফ্ৰেঞ্চাইজি মাচুল সংগ্ৰহ কৰিছিল। ইয়াৰ ভিতৰত এম এছ ধোনি ক্ৰিকেট একাডেমী আৰু এম এছ ধোনি স্প’ৰ্টছ একাডেমীয়ে ১৫ কোটি টকা লাভ কৰে। পূৰ্বতে দিৱাকাৰ ধোনিৰ ব্যৱসায়িক সহযোগী আছিল যদিও সম্পৰ্ক বিচ্ছিন্ন হোৱাৰ পিছত ধোণীয়ে তেওঁৰ নাম ব্যৱহাৰ কৰাত নিষেধাজ্ঞা আৰোপ কৰিছিল। দিবকৰে সেই কথা শুনা নাছিল।
আৰক্ষীৰ সূত্ৰ অনুসৰি তেওঁক প্ৰথমে নয়দাৰ গৌতম বুদ্ধ নগৰৰ পৰা গ্ৰেপ্তাৰ কৰা হৈছিল। তাৰ পিছত তেওঁক জয়পুৰলৈ লৈ যোৱা হয়। জয়পুৰ আৰক্ষী আয়ুক্ত বিজু জৰ্জ জোচেফে দাবী কৰে যে দিৱাকাৰে ধোনিৰ নাম ব্যৱহাৰ কৰি গান্ধী পাঠ অঞ্চলত একাডেমী খুলি বহু ধন সংগ্ৰহ কৰিছিল।
Continue Reading
