ডিজিটেল ডেস্ক: চলিত মাহৰ শেষৰ ফালে টি-২০ বিশ্বকাপৰ বাবে ভাৰতীয় দল ঘোষণা হোৱাৰ সম্ভাৱনা আছে। কিন্তু দল ঘোষণা নৌহওঁতেই ভাৰতীয় ক্ৰিকেট দললৈ আহিছে এক দুঃসংবাদ৷ টি-২০ বিশ্বকাপত অংশ লোৱাৰ সম্ভাৱনা নাই মহম্মদ ছামিৰ৷ মহম্মদ ছামিৰ অনুপস্থিতিত ভাৰতীয় পেচ আক্রমণত যশপ্রীত বুমৰাহৰ সহযোগী কোন হ’ব, তাকে লৈ চলিছে চিন্তা-চৰ্চা৷ বুমৰাহৰ সহযোগী বিচাৰি ইতিমধ্যে আইপিএলত দৃষ্টি নিক্ষেপ কৰিছে নিৰ্বাচকসকলে।
লক্ষ্ণৌ ছুপাৰ জায়েন্টছৰ পেচাৰ মায়ংক যাদৱে টি-২০ বিশ্বকাপত ভাৰতীয় দলৰ পেচাৰ হিচাপে দৃষ্টি আকৰ্ষণ কৰিবলৈ সক্ষম হৈছে৷ ১৫০ বা তাতকৈ অধিক বেগত বলিং কৰি নিৰ্বাচকৰ দৃষ্টি আকৰ্ষণ কৰিছিল পেচাৰগৰাকীয়ে।
কেৰিয়াৰৰ প্ৰথম দুখন আইপিএল মেচতো মায়ংক যাদৱে ৬ টা উইকেট দখল কৰে। ধাৰণা কৰা হৈছিল যে বিচিচিআইৰ নিৰ্বাচকসকলে মায়ংকক টি-২০ বিশ্বকাপৰ বাবে দলত স্থান দিব৷
কিন্তু তাৰ মাজতে আহিল অনাকাংক্ষিত খবৰ৷ আঘাত পাইছে মায়ংক যাদৱে৷ আঘাতৰ বাবে গুজৰাট টাইটানছৰ বিৰুদ্ধে অন্তিমখন খেলত মায়ংকই ১ অভাৰতকৈ বেছি বলিং কৰিব নোৱাৰিলে।
কিন্তু দুখন খেলৰ অন্তত খেলপথাৰলৈ মায়ংক যাদৱ উভতি আহিব পাৰে৷ কিন্তু এতিয়ালৈকে একো নিশ্চিত নহয় এই খবৰ৷
Continue Reading
