ডিজিটেল ডেস্কঃ এম এছ ধোনীক কোনো পৰিচয়ৰ প্ৰয়োজন নাই। তৰ্কহীনভাৱে তেওঁ অন্যতম ডাঙৰ ছুপাৰষ্টাৰ। এম এছ ধোনীয়ে যি মৰম পায় সেয়া কল্পনাতীত। সেইবাবেই তেওঁ য’তেই যায় তাতেই তেওঁক চাবলৈ অনুৰাগীয়ে বৃহৎ সংখ্যক গোট খায়।
শেহতীয়াকৈ বিভিন্ন ছ’চিয়েল মিডিয়া প্লেটফৰ্মত এটা ভিডিঅ’ প্ৰচাৰিত হৈছে য’ত এগৰাকী মহিলা অনুৰাগীয়ে ভাৰতীয় প্ৰাক্তন অধিনায়কগৰাকীক দেখি আৱেগিক হৈ পৰা দেখা গৈছে। অনুৰাগীগৰাকী আৱেগিক হৈ ধোনিৰ ভৰি দুখন চুই দিলে, তাৰ পৰিৱৰ্তে তেওঁ তাইক হাত মিলাবলৈ ক’লে।
ভাৰতীয় প্ৰাক্তন অধিনায়কগৰাকীয়ে ২০২০ চনত আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰিছিল।কিন্তু তেতিয়াৰ পৰাই তেওঁ ইণ্ডিয়ান প্ৰিমিয়াৰ লীগত খেলি আহিছে আৰু প্ৰতিটো ছিজন যোৱাৰ লগে লগে তেওঁক ভাল দেখা গৈছে। শেহতীয়াকৈ তেওঁ চি এছ কেক ২০২৩ চনত গুজৰাট টাইটানছক ফাইনেলত পৰাস্ত কৰি অভিলেখ সৃষ্টিকাৰী পঞ্চমটো খিতাপ দখল কৰিবলৈ নেতৃত্ব দিয়ে।
Continue Reading
