ডিজিটেল ডেস্কঃ দিল্লী সুৰা নীতি কেলেংকাৰী গোচৰত পুনৰ বিজেপিয়ে আক্ৰমণ কৰিবলৈ আৰম্ভ কৰিছে দিল্লীৰ মুখ্যমন্ত্ৰী অৰবিন্দ কেজৰিৱালক। এই বিষয়ত কেজৰিৱালক এতিয়াৰ পৰা আজি অলপ পিছতে জেৰা কৰিবলৈ ওলাইছে চি বি আই।
ইয়াৰ পূৰ্বে বিজেপিৰ মুখপাত্ৰ সম্বিত পাত্ৰই কেজৰিৱালক আক্ৰমণ কৰিছিল। তেওঁ কয় যে কেজৰিৱালে মণীষ ছিচোদিয়াৰ গ্ল’ভছ পিন্ধি দুৰ্নীতি কৰিছে।সম্বিত পাত্ৰই আৰু কয় যে দিল্লীত সংঘটিত হোৱা সুৰা কেলেংকাৰীৰ কিংপিন কোন সেয়া চিবিআইয়ে জানিব বিচাৰে। চিবিআইয়ে তথ্য উলিয়াই আনিবলৈ চেষ্টা কৰিব। কোনোবাই গ্ল’ভছ পিন্ধি দুৰ্নীতি কৰি আছিল। লগতে তেওঁ কয় যে কেজৰিৱালে বিজয় নাইৰকো ব্যৱহাৰ কৰিছিল।
সম্বিতে লগতে কয় যে,অৰবিন্দ কেজৰিৱালে সুৰা কেলেংকাৰী কৰিছে, গতিকে এতিয়া তেওঁ তাৰ বাবে শাস্তি পাব।২০২৪ চনৰ লোকসভা নিৰ্বাচনৰ পূৰ্বে গঢ় লৈ উঠা বিৰোধী ঐক্যক লৈও সম্বিত পাত্ৰও সোচ্চাৰ হয়। তেওঁ কয় যে কেজৰিৱাল, ছোনিয়া গান্ধী, ৰাহুল গান্ধীৰ দৰে সকলো দুৰ্নীতিগ্ৰস্ত লোক এক হৈ পৰিছে। খৰ্গে কেজৰিৱালকও ফোন কৰে। অৰবিন্দ কেজৰিৱালে কেৱল সুৰা বিক্ৰী কৰি ভাৰতক এক নম্বৰ দেশ হিচাপে গঢ়ি তুলিব। তেওঁ কয় যে দিল্লীৰ সুৰা নীতি কেলেংকাৰী কেৱল কেজৰিৱালৰ ঘৰতহে কৰা হৈছিল।
Continue Reading
