দিল্লীত হিন্দু শৰণাৰ্থীৰ ব্যাপক প্ৰতিবাদী কাৰ্যসূচী; কংগ্ৰেছৰ কাৰ্যালয়ৰ সন্মুখতো প্ৰতিবাদ শৰণাৰ্থীৰ

ডিজিটেল ডেস্ক: দিল্লীৰ মুখ্যমন্ত্ৰী অৰবিন্দ কেজৰিৱালৰ বাসগৃহৰ সমীপত হিন্দু শৰণাৰ্থীয়ে ব্যাপক প্ৰতিবাদ সাব্যস্ত কৰিছে৷ অৰবিন্দ কেজৰিৱালৰ ‘কা’ বিৰোধী এক মন্তব্যক লৈ প্ৰতিবাদ সাব্যস্ত কৰিছে শৰণাৰ্থীসকলে৷ কা বলবতৰ পাছতে কেন্দ্ৰৰ সিদ্ধান্তৰ বিৰুদ্ধে প্ৰতিক্ৰিয়া প্ৰকাশ কৰিছিল কেজৰিৱালে। পাকিস্তানী, বাংলাদেশীয়ে ভাৰতীয় যুৱক–যুৱতীৰ চাকৰি কাঢ়ি নিব বুলি মন্তব্য কৰিছিল কেজৰিৱালে। ইয়াৰ পাছতে দিল্লীত আজিও অব্যাহত আছে হিন্দু শৰণাৰ্থীৰ প্ৰতিবাদ। কেজৰিৱালৰ মন্তব্যৰ বিৰোধিতাৰে আজি কংগ্ৰেছৰ মুখ্য কাৰ্যালয়ৰ সন্মুখত প্ৰতিবাদ সাব্যস্ত কৰে শৰণাৰ্থীয়ে। বিৰোধী মিত্ৰজোঁট ইণ্ডিয়াৰ অন্যতম সদস্য কেজৰিৱালক বিতৰ্কিত মন্তব্য উঠাই ল’বলৈ দাবী জনাইছে প্ৰতিবাদকাৰীয়ে। ইপিনে, প্ৰতিবাদকাৰী হিন্দু শৰণাৰ্থীক পুনৰ লক্ষ্য কৰি ল’লে দিল্লীৰ মুখ্যমন্ত্ৰীগৰাকীয়ে। শৰণাৰ্থীসকলক পাকিস্তানী আখ্যাৰে তেওঁলোকৰ স্থান কাৰাগাৰতহে বুলি মন্তব্য কেজৰিৱালৰ।