ডিজিটেল ডেস্কঃ দিনত অলপ সময় শোৱাটো জৰুৰী। এন চি বি আইত প্ৰকাশিত এক গৱেষণা পত্ৰৰ মতে দিনৰ ভাগত শুলে মানসিক চাপৰ সৃষ্টি নহয়। ইয়ে আপোনাক গোটেই দিনটো সতেজ হৈ থকা আৰু আপোনাৰ কামবোৰ ভালদৰে কৰাত সহায় কৰে। লগতে আপোনাৰ মানসিক স্বাস্থ্যৰো উপকাৰ সাধন কৰে সহায় কৰে। এনে পৰিস্থিতিত দিনত শোৱাটো উপকাৰী বুলি ধৰিব পাৰি।
দিনত ৩০-৯০ মিনিট টোপনি যোৱা লোকৰ স্মৃতিশক্তি কম বা বেছি টোপনি যোৱা লোকতকৈ চোকা হয়। তেওঁলোকৰ শব্দ মনত ৰখাৰ ক্ষমতা বেছি। লগতে তেওঁলোকে কথাবোৰ ভালদৰে বুজিবলৈ সক্ষম হয়।
দিনৰ টোপনিৰ উপকাৰিতা
হৃদৰোগৰ সম্ভাৱনা কমি যায়
কোনো ক্লান্তি নাথাকে
মনটো সজাগ হৈ থাকে
মেজাজ সতেজ হৈ পৰে
এইটোও জানি লওক
মনত ৰাখিব যে দিনটোত বেছি সময় শুলেও সমস্যাৰ সৃষ্টি হয়। আধা ঘণ্টাৰ পৰা ডেৰ ঘণ্টাৰ ভিতৰত শুব লাগে। তাতকে বেছি হ’ব নালাগে। দিনটোত বেছি সময় শুলে উচ্চ ৰক্তচাপ, হতাশা, অষ্টিঅ’পৰ’ছিছ, ৰোগ প্ৰতিৰোধ ক্ষমতা দুৰ্বল, মেদবহুলতা, কোষ্ঠকাঠিন্য আদি সমস্যাৰ সৃষ্টি হ’ব পাৰে।
Continue Reading
