ডিজিটেল ডেস্কঃ ডিফু জিলা কাৰাগাৰত অজয় নায়াৰ(৩০) নামৰ এজন হাজোতীৰ মৃত্যুক লৈ তীব্ৰ চাঞ্চল্য। ডিফু হৰিলাল বস্তিৰ অজয় নায়াৰ NDPS গোচৰত কাৰাগাৰত আছিল।
বুধবাৰে নিশা ১১ বজাত জে'লৰ ভিতৰতে মূৰ ঘূৰাই পৰি গৈছিল অজয়। জে'ল কৰ্তৃপক্ষই নিশাই DMCH লৈ আনে যদিও চিকিৎসকে তেওঁক মৃত ঘোষণা কৰে।
কিন্তু এই মৃত্যুৰ খবৰ আজি পুৱা ৯ বজাতহে অৱগত কৰা হয় পৰিয়ালক। DMCHলৈ অনাৰ লগে লগেই খবৰ দিয়াক লৈ আৰক্ষী বিৰুদ্ধে ক্ষুব্ধ পৰিয়ালৰ বৰ্গ।
ইফালে আৰক্ষীয়ে খবৰ দিয়াৰ সন্দৰ্ভত মিথ্যাচাৰৰ আশ্ৰয় লোৱাৰো অভিযোগ। জে'ল কৰ্তৃপক্ষৰ গাফিলতিৰ বাবেই যুৱকজনৰ মৃত্যু হোৱা বুলিও অভিযোগ পৰিয়ালৰ।
অট' চলাই পৰিয়াল পোহ দিয়া যুৱকজন ২ আগষ্টত ড্ৰাগছসহ আটক কৰিছিল আৰক্ষীয়ে।
Continue Reading
